लखनौ - उत्तरप्रदेश विधानसभा निवडणूक 2022 (UP Election Result 2022) मतमोजणीला सुरूवात झाली आहे. यातला पहिला निकाल जाहीर झाला आहे. सीतापूरमधील हरगाव विधानसभेचे भाजप उमेदवार सुरेश राही विजयी (Suresh Rahi win) झाले आहेत. दुसरा निकाल देखील हाती आला असून, यात पीलीभीतमधून भाजपचे स्वामी प्रवक्ता नंद विजयी झाले आहेत.
उत्तरप्रदेश (Uttar Pradesh Assembly Election Result 2022),उत्तराखंड, गोवा, पंजाब आणि मणिपूर या पाच राज्यांच्या विधानसभा निवडणुकांसाठीचे मतदान पार पडले. आज (10 मार्च) या राज्यांचा निकाल जाहीर होत आहे. पाच राज्यांपैकी सर्वाधिक लक्ष उत्तरप्रदेश विधानसभा निवडणुकीच्या (UP Assembly Election Result 2022) निकालावर लागले आहे. उत्तरप्रदेशातील मतदारांचा कौल कोणत्या राजकीय पक्षाला मिळणार यावर देशाच्या आगामी राजकारणाची दिशा ठरणार आहे.
