नवी दिल्ली - राष्ट्रीय लोकशाही आघाडी (एनडीए) सरकारचा म केंद्रीय अर्थमंत्री निर्मला सीतारामन 1 फेब्रुवारीला सादर करणार आहेत. दरवर्षी पंरपरेप्रमाणे होणारा हलवा सोहळा शनिवारी पार पडला. अर्थसंकल्प तयार करण्याच्या अंतिम टप्प्यात असल्याचे सूचक हा हलवा सोहळा असतो.
यंदा अर्थसंकल्प हा १ फेब्रुवारीला संसदेत सादर केला जाणार आहे. कोरोनाच्या पार्श्वभूमीवर अर्थसंकल्पाची छपाई होणार नाही. यंदाचा अर्थसंकल्प प्रथमच कागदविरहीत स्वरूपात सादर करण्यात येणार आहे. यासाठी अर्थमंत्री निर्मला सीतारमण यांनी एका मोबाइल अॅपचं उद्घाटन केलं आहे. अर्थसंकल्पाशी संबधित सर्व घटक या अॅपमध्ये उपलब्ध करून देण्यात आले आहेत. अर्थमंत्र्यांचं 1 फेब्रुवारी रोजी अर्थसंकल्पीय भाषण संपल्यानंतर मोबाइल अॅपवर याबाबतची सर्व कागदपत्रे उपलब्ध करून दिली जाणार आहेत.
दोन टप्प्यात होणार अर्थसंकल्पीय अधिवेशन -
पहिल्या टप्प्यात अर्थसंकल्पीय अधिवेशन 29 जानेवारी ते 15 फेब्रुवारीपर्यंत सुरू राहणार आहे. तर दुसऱ्या टप्प्यात अर्थसंकल्पीय अधिवेशन हे 8 मार्च ते 8 फेब्रुवारीपर्यंत सुरू राहणार आहे. सकाळच्या सत्रात सकाळी 8 ते दुपारी 2 पर्यंत लोकसभेचे कामकाज चालणार आहे. तर सायंकाळी 4 ते 9 दरम्यान शून्य प्रहर आणि प्रश्न विचारण्याचा तास असणार आहे. कोरोनाच्या पार्श्वभूमीवर खासदारांनी आरटीपीसीआर चाचणी करावी, असेही बिर्ला यांनी आवाहन केले.
केंद्रीय अर्थसंकल्प 2021 -
आगामी केंद्रीय अर्थसंकल्पाकडून भारतीय आंत्रेप्रेन्युअर आणि स्टार्टअपला मोठ्या आशा आहेत. कमी नियम आणि करात थेट सवलत मिळाव्यात, अशी स्टार्टअप उद्योगांची केंद्रीय अर्थसंकल्पाकडून अपेक्षा आहेत. तसेच स्टार्टअपला सहज कर्ज मिळावे, अशीही अपेक्षा आहे. केंद्रीय अर्थसंकल्पाबाबत विविध उद्योगांकडून अपेक्षा व्यक्त करण्यात येत आहेत.
