देवघर (झारखंड) - देवघर येथील त्रिकुट येथे रोपवे दुर्घटना ( trikoot ropeway accident ) झाली आहे. त्रिकुट रोपवे दुर्घटनेनंतर तेथे बचावकार्य सुरू आहे. तेथे अडकलेल्या ४८ पर्यटकांना बाहेर काढण्याचे आणि हेलिकॉप्टरमधून खाली आणण्याचे प्रयत्न सुरू आहेत. पण लोकांना बाहेर काढण्यात हवाई दलाला अद्याप यश मिळालेले नाही. येथे 12 ट्रॉलीमध्ये 48 जण अजूनही हवेत अडकलेले आहेत. त्यांना अडकून जवळपास 18 तास झाले आहेत. त्याचवेळी जिल्हा प्रशासनाने महिलेच्या मृत्यूला दुजोरा दिला आहे.
त्रिकुट पर्वताच्या रोपवेमध्ये अडकलेल्या पर्यटकांना खाली आणण्यासाठी हवाई दलाचे हेलिकॉप्टर ट्रॉलीजवळ पोहोचले आणि परत आले. याचे कारण हवेत लटकलेल्या 12 ट्रॉलींमधून लोकांना बाहेर काढण्याचा कोणताही मार्ग नाही. यासोबतच ट्रॉलीच्या अगदी जवळ मोठमोठे खडक आहेत, त्यामुळे हेलिकॉप्टरलाही धडकण्याचा धोका आहे. ट्रॉलीमध्ये अडकलेल्या लोकांची सर्वात मोठी समस्या आहे. अपघात होऊन जवळपास 17 तास उलटले असून सर्व 48 जण हवेत लटकले आहेत. त्यांच्याकडे ना अन्न आहे ना पाणी. अशा परिस्थितीत त्यांना लवकरात लवकर सुरक्षितपणे उतरवणे अत्यंत आवश्यक आहे. 2500 फुटांपेक्षा जास्त उंचीमुळे बचाव कार्यात अडचणी येत आहेत. घटनास्थळी एनडीआरएफच्या टीमसह लष्कराचे जवान आणि स्थानिक पोलीस दल उपस्थित आहे.
काय आहे संपूर्ण प्रकरण - रविवारी सायंकाळी देवघर जिल्ह्यातील मोहनपूर ब्लॉक अंतर्गत त्रिकुट डोंगरावर असलेल्या रोपवेच्या ट्रॉलीमध्ये तांत्रिक बिघाड झाल्याने हा अपघात झाला. या अपघातात 6 जण जखमी झाले आहेत. ज्यामध्ये जिल्हा प्रशासनाने एकाचा मृत्यू झाल्याची माहिती दिली आहे. ट्रॉलीची दोरी अडकल्याने अनेक पर्यटक ट्रॉलीमध्ये अडकले.
