श्रीनगर - प्रजासत्ताक दिनाचे औचित्यामुळे देशभरातील नागरिक जल्लोष करत आहेत. श्रीनगरमध्ये देखील नागरिक प्रजासत्ताक दिन साजरा करत आहेत. भारतीय जनता पक्षातर्फे लाल चौकातील ऐतिहासिक घंटा घर परिसरात रॅली काढण्यात आली. यावेळी पक्षाचे सरचिटणीस अशोक कौल यांच्या हस्ते लाल चौकातील घंटा घरावर तिरंगा फडकवण्यात आला. यावेळी अशोक कौल यांनी काँग्रेस नेते राहुल गांधी यांनीही लाल चौकातील ऐतिहासिक घंटा घरावर तिरंगा फडकवण्याचे आवाहन केले. काँग्रेसने गुपकर पक्षाच्या नेत्यांनाही तिरंगा ध्वज देण्याचे आवाहन त्यांनी यावेळी केले.
काश्मीर खोऱ्यात जनजीवन सामान्य : लाल चौकातील घंटा घरावर तिरंगा ध्वज फडकावल्यानंतर अशोक कौल यांनी माध्यम प्रतिनिधींशी संवाद साधला. यावेळी ते म्हणाले की काश्मीर खोऱ्यात आता सामान्य जनजीवन झाले आहे. येथील नागरिक गुण्यागोविंदाने राहत आहेत. त्यामुळे मला माझ्या देशबांधवांचे अभिनंदन करायचे असल्याचेही भाजपनेते अशोक कौल यावेळी म्हणाले. काश्मीर खोऱ्यात प्रजासत्ताक दिना मोठ्या उत्साहात साजरा करण्यात येत असल्याचेही त्यांनी यावेळी सांगितले. तर नागरिकांनी तिरंगा ध्वज फडकवण्याचे आवाहनही त्यांनी यावेळी केले.
भारत देश हा लोकशाहीची माता : भारत ही सर्वात मोठी लोकशाही देश आहे. त्यातही जग आपल्याला लोकशाहीची माता म्हणून ओळखत असल्याचेही त्यांनी यावेळी स्पष्ट केले. प्रजासत्ताक दिनी प्रत्येकाने आपला राष्ट्रध्वज फडकवावा असे आवाहनही त्यांनी यावेळी केले. लाल चौकातील घंटा घरावर आपणा सर्वांच्या वतीने मी तिरंगा फडकावला आहे. काँग्रेसच्या सगळ्या नेत्यांनीही तिरंगा फडकवण्याचे त्यांनी आवाहन केले. तसेच काँग्रेसच्या नेत्यांनी गुपकर नेत्यांना तिरंगा देण्याचे आवाहनही यावेळी अशोक कौल यांनी केले. त्यामुळे गुपकर संघटना अशोक कौल यांच्यावर निशाना साधण्याची शक्यता निर्माण झाली आहे.
राहुल गांधींनी लाल चौकातील घंटा घरावर फडकवावा तिरंगा : काँग्रेसचे नेते राहुल गांधी हे सद्या भारत जोडो यात्रा घेऊन काश्मीरात पोहोचले आहेत. त्यांच्या स्वागताला माजी मुख्यमंत्री फारुख अब्दुल्ला हे उपस्थित राहिले होते. त्यांनी भारत जोडो यात्रेत सहभागही घेतला होता. त्यामुळे भारत जोडो यात्रेत असलेल्या राहुल गांधी यांनी लाल चौकातील घंटा घरावर तिरंगा फडकवण्याचे आवाहन भाजप नेते अशोक कौल यांनी केले आहे.
हेही वाचा - Mumbai Crime : नोकरीच्या शोधात आले अण अनिवासी भारतीयाची बॅग घेऊन पळाले, दोन भांमट्यांना पश्चिम बंगाल मधे अटक
