मुंबई - पंजाब किंग्जने मुंबई इंडियन्सला सलग पाचव्या पराभवाला सामोरे जावे लागले आहे. पंजाबने बुधवारी (दि. 13 एप्रिल)रोजी मुंबईविरुद्धच्या सामन्यात 12 धावांनी विजय मिळवला. पीबीकेएसचा चालू मोसमातील पाच सामन्यांमधील हा तिसरा विजय आहे. नाणेफेक हरल्यानंतर पंजाबने शिखर धवन (70) आणि कर्णधार मयंक अग्रवाल (52) यांच्या शानदार खेळीच्या जोरावर 198 धावांचा डोंगर त्यांनी उभा केला. त्याचवेळी, प्रत्युत्तरात एमआयला निर्धारित 20 षटकात 9 गडी गमावून 186 धावा करता आल्या. डेवाल्ड ब्रेव्हिस (49), सूर्यकुमार यादव (43) आणि तिलक वर्मा (36) यांनी मुंबईकडून फलंदाजी केली. मात्र, ते संघाला विजयाच्या गंतव्यापर्यंत पोहोचवू शकले नाहीत.
जितेश शर्माने नाबाद ३० - प्रथम फलंदाजी करताना पंजाबने ५ बाद १९८ धावा उभारल्या. प्रत्युत्तरात मुंबई ९ बाद १८६ धावा करु शकला. यात कर्णधार रोहित शर्माने २८, ब्रेव्हिसने ४९, तिलक वर्माने ३६ व सूर्यकुमार यादवने ४३ धावांची खेळी केली. पंजाबच्या ओडियन स्मिथने ४, कागिसो रबाडाने २ बळी घेतले. तत्पूर्वी, पंजाबकडून सलामीवीर मयंक आणि शिखर जोडीने ५७ चेंडूंत ९७ धावांची भागीदारी केली. मयंकने ३२ चेंडूंत ६ चौकार व २ षटकारांसह ५२ धावा केल्या. शिखरने ५० चेंडूंत ५ चौकार व ३ षटकार खेचत ७० धावा ठोकल्या. जितेश शर्माने नाबाद ३० व शाहरुख खानने १५ धावा जोडल्या.
बाद फेरी गाठण्यात यश मिळवले - मुंबईला बेंगळुरूविरुद्ध सलग तीन पराभवांची मालिका संपुष्टात येईल अशी अपेक्षा होती. पण येथेही त्यांची निराशा झाली. बुधवारी पंजाबविरुद्धचा पराभव हा त्यांचा स्पर्धेतील चौथा पराभव ठरला. (2014)मध्येही त्यांना पहिल्या पाच सामन्यात पराभवाला सामोरे जावे लागले होते. मात्र, संघाने पुनरागमन करताना बाद फेरी गाठण्यात यश मिळवले.
दुसऱ्यांदा पहिले पाच सामने गमावले - 2012 मध्ये, डेक्कन चार्जर्सचा संघ (यापुढे स्पर्धेचा भाग नाही) सलग पाच सामने हरले होते. 2013 मध्ये दिल्ली डेअरडेव्हिल्स (आता दिल्ली कॅपिटल्स) बाबतही असेच झाले होते. 2014 सालीही मुंबईचा संघ सलग पाच सामने हरला होता. 2019 मध्ये विराट कोहलीच्या नेतृत्वाखालील रॉयल चॅलेंजर्स बंगळुरूलाही पहिल्या पाच सामन्यांमध्ये पराभवाला सामोरे जावे लागले होते. आता 2022 मध्ये पाच वेळा आयपीएल जेतेपदावर संघाचे नेतृत्व करणाऱ्या रोहित शर्माच्या नावावर दुसऱ्यांदा पहिले पाच सामने गमावण्याच्या लाजिरवाण्या विक्रमाची नोंद झाली आहे.
हेही वाचा - IIT Mumbai : आता आयआयटी मुंबईमध्ये नवीन अभ्यासक्रम.. मास्टर ऑफ आर्ट्स बायो रिसर्च
