MP Assembly Election : शिवराज सिंह चौहान यांच्या विरोधात 'हा' अभिनेता लढणार निवडणूक, मध्य प्रदेशात कॉंग्रेसची पहिली यादी जाहीर

MP Assembly Election : काँग्रेसनं रविवारी आगामी मध्य प्रदेश विधानसभा निवडणुकांसाठी उमेदवारांची पहिली यादी जाहीर केली. या यादीत अनेक माजी मंत्र्यांच्या समावेश आहे.

भोपाळ MP Assembly Election : मध्य प्रदेशात येत्या नोव्हेंबर महिन्यामध्ये विधानसभेच्या निवडणुका होणार आहेत. या निवडणुकीसाठी काँग्रेसनं रविवारी उमेदवारांची पहिली यादी जाहीर केली. पहिल्या यादीत १४४ नावं जाहीर करण्यात आले आहेत. काँग्रेसनं आपल्या अधिकृत ट्विटर अकाऊंटवरून ही यादी जाहीर केली.

कॉंग्रेस उमेदवारांची यादी

कमलनाथ येथून लढणार : काँग्रेस प्रदेशाध्यक्ष कमलनाथ यांना छिंदवाडामधून उमेदवारी देण्यात आली आहे. तर इंदूरमधून भाजपाचे ज्येष्ठ नेते कैलाश विजयवर्गीय यांच्या विरोधात संजय शुक्ला रिंगणात उतरले आहेत. कॉंग्रेसच्या या पहिल्या यादीत अनेक माजी मंत्र्यांचीही नावं आहेत. लखन सिंह यादव यांना भितरवार, जयवर्धन सिंह यांना राघोगढ, हर्ष यादव यांना देवरी, कमलेश्वर पटेल यांना सिहवाल, लखन घनघोरिया यांना जबलपूर पूर्व, तरुण भानोत जबलपूर पश्चिम, ओंकार सिंह मरकाम यांना दिंडोरी, हिना कांवरे यांना लांझी, सुखदेव पानसे यांना मुलताई, सज्जनसिंह वर्मा यांनी सोनकच्छ, प्रियव्रत सिंह यांना खिलचीपूर, विजयालक्ष्मी साधौ यांना महेश्वर, सचिन यादव यांना कासरवाड तर वाला बच्चन यांना राजपूर येथून उमेदवारी देण्यात आली आहे. हे सर्व नेते कमलनाथ सरकारमध्ये मंत्री होते.

कॉंग्रेस उमेदवारांची यादी