वाराणसी (उत्तरप्रदेश) - शृंगार गौरीच्या श्री काशी विश्वनाथ ज्ञानवापी संकुलात नियमित दर्शन होत असल्याप्रकरणी अधिवक्ता आयुक्त बदलण्याच्या मागणीसाठी दाखल करण्यात आलेल्या याचिकेवर बुधवारी सुनावणी झाली. ज्ञानवापी मशीद-श्रृंगार गौरी सर्वेक्षण प्रकरणात दिवाणी न्यायाधीश वरिष्ठ विभागाने दोन्ही बाजू ऐकून निर्णय राखून ठेवला आहे. दिवाणी न्यायाधीश वरिष्ठ विभाग रवीकुमार दिवाकर यांनी गुरुवारी, १२ मे ही निकालाची तारीख निश्चित केली आहे.
विशेष म्हणजे अंजुमन इंतेजामिया मस्जिद कमिटीने ७ मे रोजी दिवाणी न्यायाधीश वरिष्ठ विभाग रवी कुमार दिवाकर यांच्या न्यायालयात वकील आयुक्त बदलण्यासाठी याचिका दाखल केली होती.
