Laxmikant Parsekar: गोव्यात भाजप रुजवणाऱ्या माजी मुख्यमंत्र्यांनी लढवली अपक्ष निवडणूक

गोव्यात भाजपचे माजी मुख्यमंत्री (Former Chief Minister of Goa ) राहिलेले लक्ष्मीकांत यशवंत पार्सेकर (Laxmikant Parsekar) हे अनेक वर्षे भाजपचे सदस्य तसेच राष्ट्रीय स्वयंसेवक संघाचे कार्यकर्ते (RSS activists) राहीले आहेत. गोव्यामध्ये भाजपची पाळेमुळे खोलवर रुजविण्यात त्यांनी महत्त्वाची कामगिरी बजावली त्याचे श्रेय त्यांनाच दिले जाते. यावेळी मात्र त्यांनी मंद्रेम मतदार संघातून अपक्ष उमेदवार म्हणून निवडणूक लढवली (contested elections as an independent) पाहूया कोण आहेत पार्सेकर..

पणजी: लक्ष्मीकांत यशवंत पार्सेकर हे मंद्रेम मतदारसंघातून (Mandrem constituency) अपक्ष निवडणूक लढवत आहेत. त्यांचा जन्म 4 जुलै 1956 रोजी पेरनेम तालुक्यातील हरमल गावात झाला झाला. ज्यांनी 2014 ते 2017 या काळात गोवा राज्याचे मुख्यमंत्रीपद भूषवले. ते मंद्रेम मतदारसंघातून गोवा विधानसभेचे सदस्य होते. मनोहर पर्रीकर (Manohar Parrikar) यांच्या जागी 8 नोव्हेंबर 2014 रोजी त्यांची गोव्याचे मुख्यमंत्री म्हणून त्यांची नियुक्ती करण्यात आली. 2017 मधे गोवा विधानसभा निवडणुकीदरम्यान, त्यांनी मंद्रेममधील जागा गमावली. 11 मार्च 2017 रोजी त्यांनी राजीनामा दिला.

लक्ष्मीकांत पार्सेकर यांनी 1980 मधे एमएससी आणि 1981 मधे बीएड केलेले आहे. त्यांचे शिक्षण पोस्ट ग्रॅज्युएट इंस्ट्रक्शन अँड रिसर्च, पणजी, तत्कालीन बॉम्बे विद्यापीठ केंद्रातून झालेले आहे. हरमल पंचक्रोशी माध्यमिक विद्यालयाचे ते मुख्याध्यापक होते. मुख्यमंत्री होण्यापूर्वी त्यांनी गोव्याचे आरोग्य मंत्री म्हणून काम केले होते तसेच राष्ट्रीय स्वयंसेवक संघाशी त्यांचा चांगला संबंध आहे.

1988 मध्ये, त्यांनी मांद्रेम मतदारसंघातील विद्यमान आमदार आणि महाराष्ट्रवादी गोमंतक पक्षाचे उमेदवार रमाकांत खलप यांच्या विरुद्ध भाजपचे उमेदवार म्हणून निवडणूक लढवली आणि त्यांचा पराभव झाला. मनोहर पर्रीकर, राजेंद्र आर्लेकर आणि केंद्रीय आरोग्य राज्यमंत्री श्रीपाद नाईक यांसारख्या राजकीय दिग्गजांसह भाजपचा पाठिंबा वाढवण्यात त्यांचा मोलाचा वाटा होता. 1994 ते 1999 पर्यंत त्यांनी गोवा भाजपचे सरचिटणीस म्हणून काम केले.

1999 मध्ये त्यांनी रमाकांत खलप यांच्या विरुध्द निवडणूक लढवली आणि त्यांचा पुन्हा पराभव झाला, परंतु 2002 मध्ये त्यांनी खलप यांचा 750 मतांच्या अल्प फरकाने पराभव केला होता. गोव्यातील पहिल्या भाजप सरकारमध्ये त्यांनी काम केले तसेच, 2000 ते 2003 आणि त्यानंतर 2010 ते 2012 पर्यंत गोवा भाजपचे अध्यक्ष म्हणून काम केले.

2007 मध्ये, त्यांनी मंद्रेमची जागा दुप्पट फरकांनी जिंकली. 2012 मध्ये, भाजपने 2012 च्या गोवा विधानसभेच्या निवडणुकीत 40 पैकी 21 जागा जिंकून उल्लेखनीय विजय मिळवला तेव्हा ते पुन्हा निवडून आले. मुख्यमंत्री मनोहर पर्रीकर हे पंतप्रधान नरेंद्र मोदी यांच्या मंत्रिमंडळात संरक्षण मंत्री म्हणून सामील झाल्यानंतर, 8 नोव्हेंबर 2014 रोजी त्यांच्या जागी लक्ष्मीकांत पार्सेकर यांनी मुख्यमंत्री पदाची शपथ घेतली.

2017 मध्ये, त्यांनी भारतीय राष्ट्रीय काँग्रेसच्या दयानंद सोपटे यांच्याकडून मांद्रेम विधानसभा जागा गमावली. 11 मार्च 2017 रोजी त्यांना मुख्यमंत्रिपदाचा राजीनामा द्यावा लागला. नंतर त्यांचे भाजप सोबतचे अंतर वाढतच गेले. शेवटी या निवडणुकीतही ते अपक्ष उमेदवार म्हणुन नशिब अजमावत आहेत.

हेही वाचा - Laxmikant Parsekar: गोव्यात भाजप रुजवणाऱ्या माजी मुख्यमंत्र्यांनी लढवली अपक्ष निवडणूक