कोलकाता : कोलकाता येथील नेताजी सुभाषचंद्र बोस आंतरराष्ट्रीय विमानतळ परिसरात बुधवारी रात्री उशिरा भीषण आग लागली. डमडम विमानतळाच्या 3C निर्गमन टर्मिनल कॉम्प्लेक्समध्ये ही आग लागल्याचे एका अधिकाऱ्याने सांगितले. आगीमुळे विमानतळाचा मोठा भाग दाट आणि काळ्या धुराने व्यापला होता. सुरुवातीला बुधवारी रात्री नऊच्या सुमारास सुरक्षा तपासणी विश्रामगृहाच्या एका भागात आग लागल्याचे सांगण्यात आले. विजेच्या शॉर्ट सर्किटमुळे आग लागल्याचा अग्निशमन दलाचा प्राथमिक अंदाज आहे.
-
An unfortunate but minor fire broke out at the Kolkata airport near a check-in counter. I am in touch with the airport director, the situation is under control. All passengers & staff have been evacuated from the area. Everyone is safe & no injuries have been reported. The… pic.twitter.com/wRPKLmKttR
— ANI (@ANI) June 14, 2023 " class="align-text-top noRightClick twitterSection" data="
">An unfortunate but minor fire broke out at the Kolkata airport near a check-in counter. I am in touch with the airport director, the situation is under control. All passengers & staff have been evacuated from the area. Everyone is safe & no injuries have been reported. The… pic.twitter.com/wRPKLmKttR
— ANI (@ANI) June 14, 2023An unfortunate but minor fire broke out at the Kolkata airport near a check-in counter. I am in touch with the airport director, the situation is under control. All passengers & staff have been evacuated from the area. Everyone is safe & no injuries have been reported. The… pic.twitter.com/wRPKLmKttR
— ANI (@ANI) June 14, 2023
एसी केबलमधून लागली आग : विमानतळासारख्या संवेदनशील ठिकाणी आग लागल्याने विमानतळ परिसरातील वेटिंग लाऊंजमधील प्रवाशांमध्ये तणावाचे वातावरण निर्माण झाले होते. पश्चिम बंगालचे अग्निशमन सेवा मंत्री सुजित बसू यांनी ईटीव्ही भारतला सांगितले की, 'ही आग एसी केबलमधून लागली. आमच्या अग्निशमन जवानांनी परिश्रमपूर्वक काम केले आहे. परिस्थिती आता नियंत्रणात आहे.
अग्निशमन दलाच्या तीन गाड्या तैनात : रात्री 9 च्या सुमारास नेताजी सुभाषचंद्र बोस विमानतळाच्या सुरक्षा विश्रामगृहाच्या बाजूने दाट धूर निघत असल्याचे दिसले. क्षणार्धात प्रवाशांमध्ये घबराट पसरली. त्यानंतर लाऊंजच्या बाजूने भीषण आगीच्या ज्वाळा दिसल्या. घटनेनंतर लगेचच विमानतळाच्या सुरक्षेची जबाबदारी असलेल्या सीआयएसएफच्या जवानांनी आग विझवण्यासाठी युद्धपातळीवर हालचाल केली. मात्र हळूहळू आग वाढत असल्याने अखेर अग्निशमन दलाला बोलावून आग आटोक्यात आणण्याचा प्रयत्न केला. आग विझवण्यासाठी अग्निशमन दलाच्या तीन गाड्या तैनात करण्यात आल्याची माहिती आहे.
विमानतळावर मोठा पोलीस बंदोबस्त : विमानतळाच्या सूत्रांनी दिलेल्या माहितीनुसार, आग लागताच संपूर्ण रिंगणातील सेंट्रल एसी बंद करण्यात आला होता. त्याचबरोबर प्रवाशांच्या सुरक्षेसाठी विमानतळाचे गेट बंद करण्यात आले आहेत. बिधाननगरचे पोलिस आयुक्तही घटनास्थळी दाखल झाले. सध्या विमानतळावर मोठा पोलीस बंदोबस्त तैनात करण्यात आला आहे. तसेच सर्व सुरक्षा तपासणी यंत्रणा तात्काळ थांबवण्यात आल्या आहेत.
हेही वाचा :
