नवी दिल्ली : नवी दिल्लीतील कांजवाला मृत्यू प्रकरणात (Delhi Kanjhawala Case) नवीन तपशील आणि दृश्ये उदयास येत असताना आता या प्रकरणाला अनपेक्षित वळण मिळत आहे. सीसीटीव्ही फुटेजमध्ये आणखी एक महिला पीडित अंजली सिंहसोबत दुचाकीवरून जात असल्याचे समोर आले आहे. दरम्यान, पीडितेच्या शवविच्छेदन अहवालात कोणत्याही लैंगिक अत्याचाराची पुष्टी झाली नाही. (Kanjhawala Case Driver confessed crime). (Kanjhawala Case Updates).
या भयानक घटनेत आतापर्यंत झालेल्या 10 घडामोडी :
- या प्रकरणात मंगळवारी पोलीस सूत्रांनी उघड केले की, मारुती कारचा चालक दीपक खन्ना याने पीडित अंजलीच्या स्कूटीला धडक दिल्याने कारच्या डब्यात 'काहीतरी अडकले' असा संशय निर्माण झाला होता. पण कारमधील इतर चार जणांनी तसा विचार न करता त्याला गाडी चालवण्यास सांगितले.
- पाच आरोपींनी, ज्यापैकी एकाचा भाजपशी राजकीय संबंध आहे, असा दावा केला आहे की पीडिता अडकली आहे आणि तिला 13 किमीपर्यंत ओढले गेले आहे हे त्यांना कळले नाही. नवीन वर्षाच्या पूर्वसंध्येला रविवारी पहाटे पीडित अंजली सिंगचा मृतदेह नग्न अवस्थेत रस्त्यावर सापडला होता. दिल्ली पोलिस घटनास्थळी पोहचेपर्यंत तिचा मृत्यू झाला होता.
- दिल्लीतील सुलतानपुरी येथे पहाटे २ वाजताच्या सुमारास हा अपघात झाला. यावेळी दिपक खन्ना हा मारुती बलेनो कार चालवत होता आणि गाडीत अमित खन्ना, मनोज मित्तल, कृष्णन आणि मिथुन हे चौघे बसले होते. एका इव्हेंट मॅनेजमेंट कंपनीत काम करणारी पीडित अंजली दुसऱ्या एका महिलेसोबत कामावरून घरी परतत होती.
- सीसीटीव्ही फुटेजमध्ये निधी नावाची ही दुसरी महिला बाईक चालवताना तर अंजली तिच्या मागच्या सीटवर बसलेली दिसली. मात्र अपघातापूर्वी महिलांनी जागेची अदलाबदल केली होती. अपघातात निधीला दुखापत झाली आणि ती घटनास्थळावरून पळून गेली. अंजली जिथे काम करत होती त्या हॉटेल मॅनेजरच्या म्हणण्यानुसार, हॉटेलमधून बाहेर पडण्यापूर्वी दोन्ही महिलांमध्ये जोरदार वाद झाला होता. मुलीचा शोध घेण्यात आला असून, तिचा जबाब नोंदवला जाईल, असे पोलिसांनी सांगितले.
- पीडितेला 13 किमी खेचल्यानंतर कांजवालाच्या जॉन्टी गावात आरोपीला यू-टर्न घेताना अंजलीचा हात दिसला. त्यानंतर त्यांनी अडकलेला मृतदेह वेगळा केला आणि तो रस्त्यावर तसाच टाकून घटनास्थळावरून पळ काढला. त्यांना रविवारी रात्री निष्काळजीपणामुळे मृत्यू आणि गुन्हेगारी कट रचल्याच्या आरोपाखाली अटक करण्यात आली.
- एका प्रत्यक्षदर्शीच म्हणणं आहे की, मृतदेह ओढतांना पाहून तो ओरडला, पण गाडी थांबली नाही. त्यानंतर पोलिसांना माहिती देण्यापूर्वी त्याने काही वेळ वाहनाचा पाठलाग केला. पोलीस घटनास्थळी पोहोचण्याच्या काही तास आधी त्याचा पोलीस नियंत्रण कक्षाला पहिला कॉल आला होता. पहिल्या फोनच्या अर्ध्या तासानंतर अंजलीची स्कूटी सापडली आणि पहाटे चारच्या सुमारास तिचा मृतदेह सापडला.
- पीडित अंजली 20 वर्षांची होती आणि 1 जानेवारी रोजी हा अपघात झाला तेव्हा ती तिच्या कामाच्या ठिकाणाहून हॉटेलमधून घराकडे निघाली होती. कथितपणे एका कारने तिच्या स्कूटीला धडक दिली आणि तिचा पाय तिच्या एक्सलमध्ये अडकला ज्यामुळे तिला पुढे 13 किमी खेचले गेले, तर दुसरी महिला घटनास्थळावरून पळून गेली. अंजलीच्या कुटुंबीयांनी लैंगिक अत्याचाराची शक्यता व्यक्त केली होती, परंतु मंगळवारी समोर आलेल्या शवविच्छेदन अहवालाने याची पुष्टी केली नाही.
- दरम्यान, दिल्ली महिला आयोगाने गृह मंत्रालयाला मंगळवारी जारी केलेल्या पत्रात या घटनेसाठी दिल्ली पोलिसांना जबाबदार धरण्यास सांगितले आहे. दिल्ली पोलिसांनी 'महिलांच्या सुरक्षेच्या बाबतीत आपल्या अधिकाऱ्यांना कसे संवेदनशील बनवण्याची गरज आहे' हे अधोरेखित करून, आयोगाच्या प्रमुख स्वाती मालीवाल यांनी लिहिलेल्या पत्रात 'गृहमंत्रालयाने पोलिस अधिकार्‍यांवर कारवाई करून या प्रकरणात एक आदर्श निर्माण करावा' अशी मागणी केली आहे.
- 'पोलिस संसाधनांचा अभाव आणि उत्तरदायित्व हे महिलांवरील गुन्ह्यांचे प्रमाण वाढण्याचे प्रमुख कारण आहे', असे नमूद करून या पत्रात महिलांच्या समस्या हाताळण्यासाठी गृह मंत्रालयात उच्चस्तरीय समिती स्थापन करण्याचा प्रस्ताव आहे. या समितीचे नेतृत्व केंद्रीय गृहमंत्र्यांनी करावे आणि त्यामध्ये दिल्लीचे LG, दिल्लीचे मुख्यमंत्री, GOI चे गृह सचिव, CP दिल्ली आणि DCW चेअरपर्सन यांचा समावेश करण्याचा प्रस्ताव आहे. महिलांच्या सुरक्षेच्या उपाययोजनांसाठी समितीने दर महिन्याला बैठक घ्यावी, असे सुचवले आहे.
- 'दुर्घटनेच्या प्रत्यक्षदर्शींनी आपत्कालीन हेल्पलाइन नंबरवर अनेक कॉल्स केले परंतु कथितपणे अनेक तासांपर्यंत एकही पीसीआर व्हॅन घटनास्थळी पोहोचली नाही' हे निरीक्षण करून पीसीआर प्रणाली सुधारण्याची गरज या पत्रात अधोरेखित करण्यात आली आहे. 'हे अस्वीकार्य आहे आणि पीसीआर युनिट मजबूत केले पाहिजे,' असे पत्रात लिहिले आहे.
