हरिद्वार ( उत्तराखंड ) : हे संपूर्ण प्रकरण हरिद्वारच्या सिडकुल पोलीस स्टेशन परिसरातील आहे. पीडित तरुणी मूळची बिहारमधील रोहतास जिल्ह्यातील रहिवासी असून, ती हरिद्वारच्या सिडकुल परिसरात एका कारखान्यात काम करते आणि परिसरात भाड्याने राहते. आरोपी हा मुलीचा शेजारी होता, ज्याला पीडित मुलगी अंकल म्हणायची अन् त्यानेच पीडितेचा विश्वासघात केला आहे. ( Bihar girl working in sidcul haridwar ) ( Bihar girl Raped in saharanpur ) ( Bihar girl sold in Haridwar )
पीडितेने पोलिसांना सांगितले की, ती भाड्याने राहत असलेल्या घराच्या शेजारी एक मध्यमवयीन व्यक्ती राहत होता. पीडिता त्याला काका म्हणायची. आरोपींनी पीडितेला फिरवण्याचे निमित्त केले, असा आरोप आहे. यासाठी आरोपीने त्याच्या मित्रालाही कार घेऊन बोलावले.
पीडितेच्या म्हणण्यानुसार, आरोपी तिला यूपीच्या सहारनपूर जिल्ह्यात घेऊन गेला, जिथे त्याने पीडितेला नीतू गुर्जर नावाच्या व्यक्तीला दोन लाख रुपयांना विकले. यानंतर मुलीला अज्ञात ठिकाणी नेऊन हिंदू रितीरिवाजांनुसार लग्न केले. लग्नास नकार दिल्यावर आरोपीने दोन लाख रुपयांना खरेदी केल्याचे सांगितले. तिला ओलीस ठेवून सलग दोन महिने तिच्यावर बलात्कार केल्याचा आरोप आहे. काही महिन्यांपूर्वी ती कशीतरी त्यांच्या तावडीतून सुटली.
यानंतर पीडितेने हरिद्वारमधील सिदुकल पोलिस ठाण्यात तक्रार दाखल केली, मात्र पोलिसांनी तिचा गुन्हा नोंदवला नाही. पीडित तरुणी गेल्या दोन महिन्यांपासून पोलिस स्टेशनच्या फेऱ्या मारत आहे, मात्र पोलिस तिला मदत करत नव्हते. अखेर पीडितेने डेहराडून गाठले आणि संपूर्ण प्रकरणाची तक्रार डीआयजी गढवाल यांच्याकडे केली. डीआयजी गढवाल करण सिंह नागन्याल यांच्या सूचनेनुसार, सिडकुल पोलिस ठाण्यात गुन्हा दाखल करण्यात आला. निरीक्षक सिडकुल प्रमोद उनियाल यांनी सांगितले की, तक्रारीच्या आधारे गुन्हा दाखल करण्यात आला असून, तपास सुरू करण्यात आला आहे.
हेही वाचा : Rape Case In Bhandara: मदत करण्याच्या बहाण्याने सामूहिक अत्याचार; दोघांना अटक तर एक फरार
