हैदराबाद ( तेलंगणा ) : शुक्रवारी जगतियाल जिल्ह्यातील पूरग्रस्त भागाच्या भेटीदरम्यान भाजप खासदारांच्या ताफ्यावर हल्ला झाला, असे पोलिसांनी ( BJP MP Convoy Attacked ) सांगितले. गावकरी आणि भाजप खासदार डी अरविंद यांच्या समर्थकांमध्ये संघर्ष झाला. आपल्यावरील हल्ल्यामागे सत्ताधारी टीआरएसचा हात असल्याचा आरोप अरविंद यांनी ( Arvind Kumar attacked in Jagtial ) केला. पोलिसांनी सांगितले की, गावात निवारा बांधण्याची त्यांची मागणी प्रलंबित असल्याने रहिवासी नाराज होते. ( TRS Vs BJP )
निवारा न बांधल्यामुळे, पावसाळ्यात लोक तात्पुरते राहत आहेत. त्यांची मागणी पूर्ण न झाल्याने लोकप्रतिनिधी गावात येण्यास विरोध करत होते. ते म्हणाले की, खासदारांच्या ताफ्याच्या वाहनावर दगडफेक करण्यात आली. दौऱ्यावरून परतत असताना ही घटना घडली. अरविंदच्या समर्थकांनी तक्रार दिल्यास गुन्हा दाखल केला जाईल, असे पोलिसांनी सांगितले.
नंतर एका ट्विटमध्ये अरविंद म्हणाले, 'टीआरएसचा माझ्यावर आणखी एक भ्याड हल्ला! पूरग्रस्त भागातून लोक मदतीसाठी हाक मारत आहेत आणि टीआरएस सरकारला माझ्यावर आणि माझ्या कार्यकर्त्यांवर हल्ला करण्याची योजना आखण्याची वेळ आली आहे!' त्यांनी दावा केला की स्थानिक टीआरएस नेत्यांनी त्यांच्या भेटीला विरोध केला कारण ते त्यांचे "अपयश" उघड करतील. तेलंगणा भाजपचे अध्यक्ष आणि खासदार बंदी संजय कुमार आणि इतर नेत्यांनी अरविंद यांच्यावरील हल्ल्याचा निषेध केला.
हेही वाचा : Royal Bengal Tiger Dies : देशातील सर्वात वयोवृद्ध वाघ 'राजा'चा मृत्यू.. 'असा' दिला अखेरचा निरोप
