नवी दिल्ली - राजधानीतील महाराष्ट्र सदनात शिवजयंती मोठ्या उत्साहात साजरी करण्यात आली. दिल्लीत आयोजित करण्यात आलेल्या या कार्यक्रमाला १२ देशांतील राजदूत आणि खासदार छत्रपती संभाजीराजे उपस्थित होते. ढोलताशांच्या गजरात शिवजन्मोत्सव साजरा करण्यात आला.
महाराष्ट्रातील कोल्हापूर, पुणे, सांगली ,सातारा, नाशिक येथील नागरिकही कार्यक्रमासाठी आले होते. दिल्लीकरही मोठ्या प्रमाणात कार्यक्रमाला उपस्थित होते. नाशिकहून आलेले प्रसिद्ध ढोल पथक या कार्यक्रमाचे प्रमुख आकर्षण होते.