श्रीनगर - जम्मू काश्मीरमधील कुपवाडा जिल्ह्यात सुरक्षा दल आणि दहशतवाद्यांमध्ये चकमक झाली. यामध्ये दोन दहशतवाद्यांचा खात्मा करण्यात आला असून त्यातील एक दहशतवादी लष्कर-ए-तोयबा संघटनेचा कमांडर तर दुसरा दहशतवादी पाकिस्तानातील असल्याचे समोर आले आहे.
पाकिस्तानातील दहशतवाद्याचे दानीश तर लष्कर-ए-तोयबा संघटनेच्या कमांडरचे नाव नसीरुद्दीन लोन असे आहे. गेल्या 18 एप्रिलला सोपारामध्ये तीन आणि 4 मेला हंडवारामध्ये तीन असे एकूण सहा जवान दहशतवाद्यांकडून करण्यात आलेल्या गोळीबारात हुतात्मा झाले होते. हे दोन्ही गोळीबार नसीरुद्दीन लोन याने घडवून आणले होते. त्यामुळे दोन्ही दहशतवाद्यांना ठार मारून लष्कराने मोठे यश प्राप्त केले आहे. ही माहिती काश्मीर आयजीपी विजय कुमार यांनी दिली आहे.
18 एप्रिलला सोपारामध्ये जवानांवर दहशतवाद्यांकडून करण्यात आलेल्या गोळीबार सीसीटीव्हीमध्ये कैद झाला होता. त्यामध्ये नसीरुद्दीन लोन दहशतवाद्यांवर गोळीबार करताना पाहायला मिळाला होता. दरम्यान यापूर्वी सुरक्षादलाने दक्षिण काश्मीरमधील शोपीयानमध्ये दोन दहशतवाद्यांचा खात्मा केले होता.
दरम्यान, केंद्रीय गृहमंत्रालयाने जम्मू काश्मीरमध्ये तैनात असणाऱ्या विविध पॅरामिलिट्री फोर्सेसमधील जवानांना तातडीने परत बोलावले आहे. सुरक्षा आढावा घेतल्यानंतर मंत्रालयाने हा निर्णय घेतल्याचे सांगण्यात येत आहे. केंद्रीय गृहमंत्रालयाने बुधवारी याबाबत माहिती दिली. मागील वर्षी कलम ३७० रद्द केल्यानंर काश्मीरमध्ये या तुकड्यांना तैनात करण्यात आले होते.
