पुलवामा - जम्मू-काश्मीरमधील पुलवामा येथील खासगी शाळेवर दहशतवाद्यांनी बॉम्ब हल्ला केला. यामध्ये विद्यार्थी जखमी झाले असून त्यांना रुग्णालयात दाखल केले आहे. नरबाल येथे शाळा असून फलाई-ए-मिल्लत असे या शाळेचे नाव आहे.
'मी शिकवत होतो. तितक्यात स्फोट झाल्याचा मोठा आवाज आला. किती विद्यार्थी जखमी झाले हे काहीच कळेना,' असे शाळेची शिक्षक जावेद अहमद म्हणाले.
'दुपारी अडीच वाजता बॉम्ब स्फोट झाला. १२ विद्यार्थी जखमी झाले आहेत. त्यांची प्रकृती स्थिर आहे. गुन्हा दाखला झाला असून तपास सुरू आहे,' असे पोलिसांनी सांगितले.
