हवाई दलाची क्षमता वाढणार; रणगाडाविरोधी क्षेपणास्त्र खरेदीसाठी रशियाशी २०० कोटींचा करार

१४ फेब्रुवारीला झालेल्या पुलवामा हल्लानंतर सरकारने तिन्ही सैन्य दलांना आपत्कालीन अधिकार दिले होते. यानुसार, तिन्ही सैन्य दले गरजेनुसार ३०० कोटी रुपयांची शस्त्रास्त्रे तत्काळ प्रभावाने खरेदी करु शकतात. भारताने या करारासाठी याच नियमांचा वापर केला आहे.

नवी दिल्ली - भारतीय हवाई दलाची क्षमता वाढवण्याच्या दृष्टीने भारताने रशियासोबत आणखी एक महत्वाचा करार केला आहे. भारत आता रशियाकडून रणगाडाविरोधी क्षेपणास्त्राची खरेदी करणार आहे. यासाठी भारताने रशियासोबत २०० कोटी रुपयांचा करार केला आहे. आणीबाणीच्या परिस्थितीसाठी आपल्या एमआय-३५ या लढाऊ हेलिकॉप्टरसाठी रशियाकडून ही रणगाडाविरोधी क्षेपणास्त्रे (स्ट्रम अटाका) खरेदी केली जाणार आहेत.

१४ फेब्रुवारीला झालेल्या पुलवामा हल्लानंतर सरकारने तिन्ही सैन्य दलांना आपत्कालीन अधिकार दिले होते. यानुसार, तिन्ही सैन्य दले गरजेनुसार ३०० कोटी रुपयांची शस्त्रास्त्रे तत्काळ प्रभावाने खरेदी करु शकतात. भारताने याच आपत्कालीन नियमांचा वापर करुन रशियासोबत स्ट्रम अटाका क्षेपणास्त्रांचा करार केला आहे.

• India signs Rs 200 crore anti-tank missile deal with Russia
  
  Read @ANI story | https://t.co/np18AbQgiP pic.twitter.com/9PgnmDaxO3

  — ANI Digital (@ani_digital) June 30, 2019 " class="align-text-top noRightClick twitterSection" data="

  India signs Rs 200 crore anti-tank missile deal with Russia
  
  Read @ANI story | https://t.co/np18AbQgiP pic.twitter.com/9PgnmDaxO3

  — ANI Digital (@ani_digital) June 30, 2019

  ">

  India signs Rs 200 crore anti-tank missile deal with Russia
  
  Read @ANI story | https://t.co/np18AbQgiP pic.twitter.com/9PgnmDaxO3

  — ANI Digital (@ani_digital) June 30, 2019

भारताला येत्या तीन महिन्यांत या क्षेपणास्त्रांचा पुरवठा सुरु होणार आहे. स्ट्रम अटाका हे क्षेपणास्त्र एसआय-३५ हेलिकॉप्टरमध्ये लावल्यानंतर शत्रूचे रणगाडे आणि इतर शस्त्रे उद्ध्वस्त करण्यासाठी याचा वापर करता येणार आहे. एमआय-३५ भारतीय हवाई दलाचे थेट हल्ला करणारे हेलिकॉप्टर आहे. भारत अनेक काळापासून रशियाकडून क्षेपणास्त्र खरेदी करण्यास उत्सुक होता. मात्र, या कराराद्वारे तब्बल एक दशकानंतर भारताची इच्छा पूर्ण झाली आहे.गेल्या आठवड्यात संरक्षणमंत्री राजनाथ सिंह यांनी तीन संरक्षण आपत्कालीन तरतुदींनुसार तिन्ही सैन्य दलांकडून होणाऱ्या खरेदीबाबत एक प्रेझेंटेशन दिले होते. यामध्ये आपत्कालीन तरतुदींचा वापर करुन शस्त्रास्त्रे खरेदीमध्ये हवाई दल पुढे राहिले आहे. याच तरतुदीनुसार, लष्करही २००० स्टँड ऑफ वेपन सिस्टिमसोबत अनेक स्पेअर पार्ट आणि हवेतून हवेत मारा करण्याच्या क्षेपणास्त्रांचा करार अनेक देशांसोबत करुन स्वतःला कोणत्याही युद्धासाठी सज्ज ठेवणार आहे. त्याचबरोबर भारत रशियाकडून इंग्ला-एस एअर डिफेन्स क्षेपणास्त्रही तत्काळ खरेदी करणार आहे.