लंडन - लंडनमधील बँक खात्यातील निजामांच्या 35 दशलक्ष पौंड पेक्षा जास्त जमा रक्कमेचा भारत आणि पाकिस्तान यांच्यातील वाद अंतिम टप्प्यावर पोहोचला आहे. या प्रकरणी सहा आठवड्यांत निर्णय येण्याची अपेक्षा आहे.
हैदराबादचा आठवा निजाम, प्रिन्स मुकरम जाह आणि त्याचा धाकटा भाऊ मुफखम जाह यांनी लंडनच्या नेटवेस्ट बँक पीएलसीवरील ठेवींसंबंधी पाकिस्तानी सरकारच्या विरूद्ध कायदेशीर लढ्यात भारत सरकारशी हातमिळवणी केली आहे.
हैदराबादच्या निजाम उस्मान अली खान यांनी 1948 मध्ये नवनिर्माण पाकिस्तानचे यूके मधील उच्च आयुक्त हबीब इब्राहिम रहीमटोला यांच्या लंडनमधील बॅक खात्यात 1,007, 9 40 पाउंड जमा (सुमारे 8.77 दशलक्ष रुपये) केले होते. आता ही रक्कम सुमारे 35 दशलक्ष पाउंड (सुमारे 3 बिलियन 840 दशलक्ष रुपये) एवढी वाढली आहे. दोन्ही देशांनी या रकमेवर आपला अधिकार घोषित केला आहे. त्या रक्कमेवर आमचा अधिकार असून पाकिस्तानचा हक्क योग्य नाही, असा दावा हैदराबाद निजामाच्या वंशजानी केला आहे.
'हैदराबादचे आठवे निजाम आणि त्यांचे लहान बंधू हे त्यांच्या आजोबांनी त्यांना काय भेटवस्तू ठेवली आहे. याची वाट पाहत आहेत. मात्र यामध्ये पाकिस्तान गेल्या 70 वर्षापासून अडथळा आणत आहे. मला आशा आहे की यावर लवकरच अंतिम निर्णय दिला जाईल', असे हैदराबादच्या निजामाच्या वंशजाचे वकील पॉल हेवीट यांनी म्हटले आहे.
निजाम, भारत सरकारचे राष्ट्रपती पाकिस्तानी उच्चायुक्त यांच्यामधील हा खटला न्यायमूर्ती मार्कस स्मिथ यांच्या न्यायालयासमोर सुरु आहे. दोन आठवड्यांच्या सुनावणीत दोन्ही पक्षांनी आपली मते बाजू मांडली आहे. निजामांच्या पैशांची वास्तवीक मालक कोण आहे, हे न्यायाधीशांना ठरवायचे आहे.
