जयपूर - कोरोनाच्या वाढता प्रादुर्भावाला आळा घालण्यासाठी देशभरात उपाययोजनया करण्यात येत आहे. शासनासह काही नागरिकही आपापल्या परिने प्रयत्न करताहेत. राजस्थानच्या कोटा येथील केशवपूरा भागातील महिलांनीही सामाजिक जबाबदारी म्हणून लॉक डाऊन दरम्यान काम करणाऱ्या पोलीस कर्मचारी आणि वैद्यकीय कर्मचाऱ्यांसाठी कपड्यांपासून मास्क तयार करून निशुल्क वाटप केले.
एकीकडे कोरोना विषाणूने देशभर थैमान घातले आहे. अशात सामाजिक जबाबदारी म्हणून राजस्थानच्या कोटा जिल्ह्यातील केशवपुरा भागातील महिलाही पुढे येऊन मदत करताहेत. या महिलांनी एक सहाय्यता समूह तयार केला. त्यानंतर आपापल्या घरातून करून कपडे गोळा करून त्यापासून मास्क तयार केले. तसेच जे पोलीस कर्मचारी, आरोग्य विभागातील कर्मचारी जे आपला जीव धोक्यात घालून काम करताहेत, त्यांना या मास्कचे वितरण केले. त्या दररोज सरासरी २०० मास्क तयार करतात. आत्तापर्यंत त्यांनी ५ हजार मास्कचे वाटप केले आहे.
याविषयी सांगताना केशवपुरा येथील सपना प्रजापती म्हणाल्या, 'कोरोना विषाणूच्या संसर्गाबाबत माहिती मिळाली तेव्हापासूनच मनात मास्क तयार करण्याचा विचार होता. त्यामुळे आम्ही शेजारच्या काही महिलांनी मिळून मास्क तयार करून वाटप करण्याचे ठरविले. हे कापडी मास्क वॉशेबल असून त्याचा परत वापर करता येतो.' हे मास्क हतौडी विभागात पाठवण्यात येत असल्याचे त्यांनी सांगितले.
या सहाय्यता समूहाद्वारे तयार करण्यात आलेल्या मास्कला हतौडी भागामध्ये वाटप करण्यात येत आहे. त्यांच्या या सहकार्याने पोलीस आणि तेथील नर्सिंग स्टाफला मास्कच्या तुटवडा पडलेला असताना मदत मिळत आहे.
