फुलबारी (पश्चिम बंगाल) - सीमा सुरक्षा दलाने (बीएसएफ) शनिवारी ईद अल-अधाच्या निमित्ताने फुलबारी येथील भारत-बांगलादेश सीमेवर बांगलादेशी सुरक्षा रक्षकांसोबत (बीजीबी - बॉर्डर गार्डस बांगलादेश) मिठाईची देवाणघेवाण केली. यापूर्वी शनिवारी राष्ट्रपती रामनाथ कोविंद आणि पंतप्रधान नरेंद्र मोदी यांनी ईद अल-अधानिमित्त देशाला शुभेच्छा दिल्या.
राष्ट्रपतींनी आपल्या अधिकृत ट्विटर हँडलवरून प्रत्येकाला गरजूंमधील आनंदाची देवाण-घेवाण करण्याचे आणि सामाजिक अंतराच्या निकषांचे अनुसरण करण्याचे आवाहन केले. तसेच, कोविड -19 चा प्रसार रोखण्यासाठी मार्गदर्शक सूचना दिल्या.
पंतप्रधान नरेंद्र मोदी यांनी सोशल मीडियावर देशातील जनतेला शुभेच्छा दिल्या. "ईद मुबारक! ईद अल-अधाच्या हार्दिक शुभेच्छा. हा दिवस आपल्याला एक न्याय्य, सुसंवादी आणि सर्वसमावेशक समाज निर्माण करण्याची प्रेरणा देईल. सर्वांमध्ये बंधुता आणि करुणेची भावना वाढीस लागावी," असे पंतप्रधान मोदींनी ट्विट केले.
