लखनौ - समाजवादी पक्षाचे अध्यक्ष अखिलेश यादव यांनी मोठा निर्णय जाहीर केला आहे. पुढील वर्षात होणाऱ्या उत्तर प्रदेशची विधानसभा निवडणू लढविणार नसल्याचे समाजवादी पक्षाचे अध्यक्ष यादव यांनी जाहीर केले आहे. आझमगढमधील सपाचे खासदार असलेले अखिलेश यादव हे पक्षाच्या मुख्यमंत्रिपदाचा चेहरा म्हणून ओळखले जातात.
समाजवादी पक्षाचे अध्यक्ष अखिलेश यादव म्हणाले, की राष्ट्रीय लोक दल आणि समाजवादी पक्षातील युतीबाबत अंतिम स्वरुप देण्यात आले आहे. केवळ जागा वाटपाला अंतिम स्वरुप देण्यात येणार आहे. निवडणुकीत शिवपाल यादव यांच्या प्रगतीशील समाजवादी पार्टी लोहियाची मदत घेण्याबाबत विचारले असता त्यांनी समस्या नसल्याचे सांगितले. मात्र, योग्य सन्मान दिला जावा, अशी त्यांनी अपेक्षा व्यक्त केली. मुख्यमंत्री योगी आदित्यनाथ यांनी उत्तर प्रदेशचे वाटोळे केले आहे. निवडणूक जाहीरनाम्यातील 90 टक्के दावे पूर्ण केल्याचे भाजपचे दावे खोटे आहेत.
हेही वाचा-पंतप्रधान नरेंद्र मोदींनी पोप फ्रान्सिस यांना भारत भेटीचे दिले निमंत्रण
भाजप व आरएसएसचे दावे खोटे
कोरोनाच्या काळात राष्ट्रीय स्वयंसेवक संघ आणि भाजपकडून मदत करण्यात आल्याचा केंद्रीय गृहमंत्री अमित शाह यांचा दावा खोटा असल्याचेही अखिलेश यादव यांनी सांगितले. दोन्ही संघटनांना लोकांना वाऱ्यावर सोडले होते. केवळ समाजवादी पक्षाचे कार्यकर्ते कोरोनाचे प्रमाण वाढले असताना रस्त्यावर उतरून लोकांना मदत करत होते.
हेही वाचा-'आयर्न लेडी' इंदिरा गांधींचा स्मृतीदिन : काँग्रेस नेते राहुल गांधींनी शक्तिस्थळी केलं अभिवादन
युतीबाबत अद्याप बोलणी नाही-
एमआयएम अथवा तृणमूल काँग्रेससोबत युती करण्याबाबत अखिलेश म्हणाले, की आमच्या पक्षाची कोणाबरोबरही बोलणी झाली नाही. केवळ समाजवादी पक्ष भाजपचा सामना करू शकते. जनहितासाठी भाजपच्या समोर उभा ठाकू शकते. शेतकरीदेखील समाजवादी पक्षासोबत आहेत. यावेळेस राज्यात बदल होणार आहे. गेल्या महिन्यात सुरू झालेली रथयात्रा ही 11 नोव्हेंबरपर्यंत सुरू राहणार आहे.
हेही वाचा-काँग्रेस आणि भाजप दोन्ही भ्रष्ट- अरविंद केजरीवाल यांची टीका
