video: മോദിക്ക് കറുത്ത ബലൂണുകൾ, പ്രതിഷേധവുമായി കോൺഗ്രസ് പ്രവർത്തകർ

ആന്ധ്രപ്രദേശ്: പ്രധാനമന്ത്രി നരേന്ദ്ര മോദിയുടെ വിമാനത്തിന് നേരെ കറുത്ത ബലൂണുകള്‍ പറത്തി പ്രതിഷേധം. തിങ്കളാഴ്‌ച രാവിലെ ആന്ധ്രപ്രദേശിലെ ഗന്നവാരത്ത് പ്രധാനമന്ത്രിയുടെ വിമാനം ലാന്‍ഡ് ചെയ്യുന്നതിനിടെയാണ് സംഭവം. നിര്‍മാണത്തിലിരിക്കുന്ന കെട്ടിടത്തിന് മുകളില്‍ നിന്നാണ് കോൺഗ്രസ് പ്രവർത്തകർ ഹീലിയം നിറച്ച കറുത്ത ബലൂണുകള്‍ പറത്തി വിട്ടത്. ആന്ധ്രപ്രദേശിലെ ഭീമാവരത്ത് സ്വാതന്ത്ര്യ സമര സേനാനി അല്ലൂരി സീതാരാമ രാജുവിന്‍റെ 125-ാം ജന്മദിനാഘോഷത്തിൽ പങ്കെടുക്കാനും വെങ്കല പ്രതിമ അനാച്ഛാദനം ചെയ്യാനുമാണ് മോദി എത്തിയത്. ബി.ജെ.പിയുടെ ദേശീയ എക്‌സിക്യൂട്ടീവ് യോഗത്തിനായി പ്രധാനമന്ത്രി ഹൈദരാബാദിലെത്തിയപ്പോഴും ' മോദി ഗോ ബാക്ക് ' എന്നെഴുതിയ പ്ലക്കാര്‍ഡുകളും ബാനറുകളുമായി ജനങ്ങള്‍ പ്രതിഷേധമറിയിച്ചിരുന്നു.