ഒന്നര കിലോ കഞ്ചാവുമായി യുവാക്കൾ അറസ്റ്റിൽ

ചെറുകിട കച്ചവടക്കാർക്ക് വിൽപ്പന നടത്തുന്നതിനായി ആന്ധ്രയിൽ നിന്നാണ് കഞ്ചാവ് എത്തിച്ചത്

തിരുവനന്തപുരം: കഴക്കൂട്ടം കിൻഫ്ര വീഡിയോ പാർക്കിന് സമീപത്ത് കഞ്ചാവുമായി യുവാക്കള്‍ അറസ്റ്റില്‍. നെയ്യാറ്റിൻകര തൊഴുക്കൽ സ്വദേശി സാജൻ (22), ആന്ധ്രാ സ്വദേശിയായ പശുപുലേറ്റി രാജേഷ് (22) എന്നിവരാണ ്അറസ്റ്റിലായത്. ഇവരില്‍ നിന്ന് ഒന്നര കിലോ കഞ്ചാവും പിടിച്ചെടുത്തു. ചെറുകിട കച്ചവടക്കാർക്ക് വിൽപ്പന നടത്തുന്നതിനായി ആന്ധ്രയിൽ നിന്നാണ് കഞ്ചാവ് എത്തിച്ചത്. ഇന്നലെ വൈകുന്നേരമാണ് പ്രതികൾ പിടിയിലായത്. എസ്ഐ സുരേഷ് ബാബുവിന്‍റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. കോടതിയിൽ ഹാജരാക്കിയ പ്രതികളെ റിമാന്‍റ് ചെയ്തു.