വയനാട് : വയനാട് മുട്ടിലിലെ അനധികൃത മരംമുറിയില്‍ കൂടുതല്‍ കാര്യങ്ങള്‍ അന്വേഷിക്കുമെന്ന് മന്ത്രി എ.കെ ശശീന്ദ്രന്‍. ഇതേ കാലയളവില്‍ സംസ്ഥാനത്ത് മറ്റെവിടെയെങ്കിലും നിയമവിരുദ്ധ മരംമുറി നടന്നിട്ടുണ്ടോയെന്നും അന്വേഷിക്കാന്‍ ഉന്നതതല യോഗം തീരുമാനിച്ചതായും അദ്ദേഹം അറിയിച്ചു.
Read more: മുട്ടിലിൽ മരം മുറിച്ച് കടത്തൽ; റിപ്പോർട്ട് നൽകാൻ ആവശ്യപ്പെട്ടിട്ടുണ്ടെന്ന് എകെ ശശീന്ദ്രൻ
മുട്ടില്‍ മരംമുറി സംബന്ധിച്ച പ്രത്യേക അന്വേഷണം നടക്കുന്നത് കൂടാതെയാണ് സംസ്ഥാനത്താകെ പരിശോധനയും പൊതുവായ വിവരശേഖരണവും നടത്തുക. സംസ്ഥാന വനം വകുപ്പ് വിജിലന്‍സ് വിഭാഗം പ്രിന്‍സിപ്പല്‍ ചീഫ് കണ്‍സര്‍വേറ്റര്‍ ഓഫ് ഫോറസ്റ്റിനാണ് അന്വേഷണ ചുമതല.
