തിരുവനന്തപുരം: Mullapperiyar Kerala Letter To Tamilnadu രാത്രിയില്‍ മുന്നറിയിപ്പില്ലാതെ മുല്ലപ്പെരിയാര്‍ ഡാം തുറന്നു വിടുന്നതില്‍ തമിഴ്‌നാടിനെ ആശങ്കയറിയിച്ച് കേരളം. മുഖ്യമന്ത്രി പിണറായി വിജയന്‍ തമിഴ്‌നാട് മുഖ്യമന്ത്രി എം.കെ.സ്റ്റാലിന് ആശങ്കയറിച്ച് കത്തയച്ചു. കൃത്യമായ മുന്നറിയിപ്പില്ലാതെയും രാത്രികാലത്തും മുല്ലപ്പരിയാറിന്‍റെ ഷട്ടറുകള്‍ തുറക്കുന്നത് ജനങ്ങളില്‍ ആശങ്കയുണ്ടാക്കുകയാണെന്ന് കത്തില്‍ വ്യക്തമാക്കുന്നു.
രാത്രി ഉറങ്ങി കിടക്കുന്ന സമയത്ത് വീട്ടില്‍ വെള്ളം കയറുന്ന അവസ്ഥയിലാണ് പെരിയാറിന് കരയില്‍ തമാസിക്കുന്നവര്‍. നേരത്തെയും ഇത്തരത്തിലുള്ള നടപടി തമിഴ്‌നാടിന്‍റെ ഭാഗത്ത് നിന്നുണ്ടായിട്ടുണ്ട്. നവംബര്‍ 30ന് ചീഫ് സെക്രട്ടറി തമിഴ്‌നാട് സര്‍ക്കാറിനെ ഇക്കാര്യം രേഖാമൂലം അറിയിച്ചതാണ്.
ALSO READ: India Report First Omicron: കര്‍ണാടകയില്‍ രാജ്യത്തെ ആദ്യ ഒമിക്രോൺ സ്ഥിരീകരിച്ചു
എന്നാല്‍ കഴിഞ്ഞ ദിവസങ്ങളിലും തമിഴ്‌നാട് ഉദ്യോഗസ്ഥരുടെ ഭാഗത്ത് നിന്നും ഇത്തരത്തിലുള്ള നടപടിയുണ്ടായി. പുലര്‍ച്ചെ 3 മണിക്കാണ് കഴിഞ്ഞ് ദിവസം 10 ഷട്ടറുകള്‍ തുറന്ന് വലിയ അളവില്‍ വെള്ളം ഒഴിക്കിയത്. ഡാമിലെ ജലനിരപ്പ് നിരീക്ഷിച്ച് പകല്‍ സമയത്ത് ഷട്ടര്‍ തുറക്കണം.
തമിഴനാടിന് ജലവും കേരളത്തിന് സുരക്ഷയുമെന്നാണ് സംസ്ഥാനത്തിന്‍റെ നിലപാട്. അതുകൊണ്ട് തന്നെ ഇത്തരം നടപടികള്‍ ആവര്‍ത്തിക്കാതിരിക്കാന്‍ ആവശ്യമായ നടപടികള്‍ സ്വീകരിക്കണമെന്നും കത്തില്‍ ആവശ്യപ്പെട്ടിട്ടുണ്ട്.
ALSO READ: Omicron Scare: ഒമിക്രോണിനെ കുറിച്ച് അറിയേണ്ടതെല്ലാം
