തദ്ദേശ തെരഞ്ഞെടുപ്പിനുള്ള നാമനിർദേശ പത്രിക സമർപണം പൂർത്തിയായി

ഒന്നര ലക്ഷത്തിലധികം പത്രികകളാണ് സംസ്ഥാനത്ത് ആകെ ലഭിച്ചത്. ഗ്രാമപഞ്ചായത്തുകളിലേക്കാണ് ഏറ്റവും കൂടുതൽ നാമനിർദേശ പത്രികകൾ ലഭിച്ചത്.

തിരുവനന്തപുരം: സംസ്ഥാനത്തെ തദ്ദേശ തെരഞ്ഞെടുപ്പിനുള്ള നാമനിർദേശ പത്രിക സമർപണം പൂർത്തിയായി. ഒന്നര ലക്ഷത്തിലധികം പത്രികകളാണ് സംസ്ഥാനത്ത് ആകെ ലഭിച്ചത്. ഗ്രാമപഞ്ചായത്തുകളിലേക്കാണ് ഏറ്റവും കൂടുതൽ നാമനിർദേശ പത്രികകൾ ലഭിച്ചത്.സംസ്ഥാനത്തെ 15962 വാർഡുകളിലായി 1,13047 പത്രികകളാണ് സമർപ്പിച്ചത്. ബ്ലോക്ക് പഞ്ചായത്തുകളിലേക്ക് 11,980 എണ്ണവും ജില്ല പഞ്ചായത്തുകളിലേക്ക് 1,833 പത്രികകളും ലഭിച്ചു.

19526 നാമനിർദേശ പത്രികകൾ മുൻസിപ്പാലിറ്റികളിലേക്കും 3758 നാമനിർദേശ പത്രികകൾ ആറ് കോർപ്പറേഷനുകളിലുമായാണ് ലഭിച്ചത്. നാമനിർദേശ പത്രികകളുടെ സൂക്ഷ്‌മ പരിശോധന നാളെ നടക്കും.