എറണാകുളം: നെടുമ്പാശ്ശേരി വിമാനത്താവള കമ്പനിയായ സിയാല്‍ തൊഴിലാളികള്‍ക്ക് നല്‍കാന്‍ നിശ്ചയിച്ചിരുന്ന ഓഹരി തൊഴിലാളിയല്ലാത്തയാള്‍ക്ക് നല്‍കിയെന്ന പരാതിയില്‍ കോടതിയുടെ ത്വരിതാന്വേഷണ ഉത്തരവ് ഹൈക്കോടതി സ്റ്റേ ചെയ്‌തു. സിയാല്‍ മുന്‍ എംഡി വി.ജെ കുര്യന്‍ സമര്‍പ്പിച്ച ഹര്‍ജിയിലാണ് കോടതിയുടെ നടപടി. വിഷയത്തില്‍ അഴിമതി ആരോപിച്ച് നേരത്തെ വിജിലന്‍സിന് നല്‍കിയ പരാതിയില്‍ കഴമ്പില്ലെന്ന് കണ്ടെത്തിയെന്ന് ഹര്‍ജിക്കാര്‍ കോടതിയെ അറിയിച്ചു.
കളമശ്ശേരി സ്വദേശിയുടെ പരാതിയിലാണ് മൂവാറ്റുപുഴ വിജിലന്‍സ് കോടതി ത്വരിതാന്വേഷണത്തിന് ഉത്തരവിട്ടത്. കേസില്‍ എതിര്‍കക്ഷികള്‍ക്ക് നോട്ടിസ് അയച്ച് വിശദമായ വാദം കേള്‍ക്കുമെന്നും കോടതി വ്യക്തമാക്കി.
