അനർഹമായി ബിപിഎൽ കാർഡ് കൈവശമുള്ളവർ പിൻവലിക്കണമെന്ന് ഭക്ഷ്യമന്ത്രി

അനർഹമായി ബിപിഎൽ റേഷൻ കാർഡ് കൈവശമുള്ളവർക്ക് നിർഭയമായി കാർഡ് പിൻവലിക്കാമെന്നും അവർക്കെതിരെ ഒരു തരത്തിലുള്ള നിയമ നടപടിയും സ്വീകരിക്കില്ലെന്നും ജി.ആർ അനിൽ പറഞ്ഞു.

തിരുവനന്തപുരം: ബിപിഎൽ റേഷൻ കാർഡുകൾ അനർഹമായി കൈവശം വച്ചിരിക്കുന്നവർ അത് സ്വമേധയാ പിൻവലിക്കാൻ തയ്യാറാകണമെന്ന് ഭക്ഷ്യമന്ത്രി ജി.ആർ അനിൽ. അവർക്കെതിരെ ഒരു തരത്തിലുള്ള നിയമ നടപടിയും സ്വീകരിക്കില്ല. നിർഭയമായി കാർഡ് പിൻവലിക്കാം. അങ്ങനെയെങ്കിൽ ബിപിഎൽ ആനുകൂല്യത്തിന് അർഹരായ മറ്റുള്ളവർക്ക് അത് നൽകാൻ കഴിയുമെന്നും മന്ത്രി പറഞ്ഞു.

സർക്കാർ നൽകുന്ന സൗജന്യ ഭക്ഷ്യ കിറ്റ് സാമ്പത്തിക ശേഷിയുള്ളവർക്കും കിറ്റ് ആവശ്യമില്ലാത്തവർക്കും വേണ്ടെന്ന് വയ്ക്കാമെന്നും സ്വന്തം റേഷൻ കടയിൽ കിറ്റ് വേണ്ട എന്ന് സ്വമേധയാ എഴുതി നൽകിയാൽ അതിൽ നിന്നും പിന്മാറാനാകുമെന്നും മന്ത്രി പറഞ്ഞു.