തിരുവനന്തപുരം: സംസ്ഥാനത്ത് ശക്തമായ മഴ ജാഗ്രത നിർദേശം.തിരുവനന്തപുരം മുതല്‍ ഇടുക്കി വരെയുളള ജില്ലകളില്‍ ഓറഞ്ച് അലര്‍ട്ടും എറണാകുളം, തൃശ്ശൂര്‍, പാലക്കാട്, മലപ്പുറം, കോഴിക്കോട്, വയനാട് ജില്ലകളില്‍ യെല്ലോ അലര്‍ട്ടും പ്രഖ്യാപിച്ചു. ബംഗാള്‍ ഉള്‍ക്കടലിലെ ന്യൂനമര്‍ദം ശക്തി പ്രാപിക്കുന്നതും അറബിക്കടലില്‍ ചക്രവാതച്ചുഴി രൂപപ്പെടുന്നതും കനത്ത മഴയ്ക്ക് വഴിയൊരുക്കുമെന്നാണ് കാലാവസ്ഥാ നിരീക്ഷണകേന്ദ്രത്തിന്റെ കണക്കു കൂട്ടല്‍.
തെക്കന്‍ ജില്ലകളില്‍ ഓറഞ്ച് അലര്‍ട്ടാണ് പ്രഖ്യാപിച്ചിട്ടുളളതെങ്കിലും റെഡ് അലര്‍ട്ടിനു സമാനമായ പ്രതിരോധ സംവിധാനം സര്‍ക്കാര്‍ ഏര്‍പ്പെടുത്തിയിട്ടുണ്ടെന്ന് മന്ത്രി കെ രാജന്‍ വ്യക്തമാക്കിട്ടുണ്ട്.
