തിരുവനന്തപുരം: മുഖ്യ തെരഞ്ഞടുപ്പ് ഓഫീസർ ടിക്കാറാം മീണക്കെതിരെ പ്രതിപക്ഷ നേതാവ് രമേശ് ചെന്നിത്തല. വോട്ടിംഗ് മെഷീനെ കുറിച്ചു പരാതി ആരോപിക്കുന്നവർക്കെതിരെ ഗുരുതര വകുപ്പ് ഉപയോഗിച്ച് കേസെടുക്കുന്ന കമ്മീഷന്‍റെ നടപടി അംഗീകരിക്കാൻ കഴിയില്ലെന്ന് രമേശ് ചെന്നിത്തല പറഞ്ഞു. താൻ ചെയ്ത ചിഹ്നത്തിൽ വോട്ട് വീണില്ലെന്ന് പരാതി പറയുമ്പോൾ അത് പരാതിക്കാരൻ തന്നെ തെളിയിക്കണമെന്നുള്ളത് ശരിയായ നടപടിയല്ല. ഇത്തരത്തിൽ പരാതിക്കാരെ ക്രൂശിക്കരുതെന്നും രമേശ് ചെന്നിത്തല വ്യക്തമാക്കി.
വോട്ട് ചിഹ്നം മാറി പതിയുന്നുവെന്ന് പരാതി ഉന്നയിച്ച എബിനെതിരെ പൊലീസ് കേസെടുത്തിയിരുന്നു. വോട്ടിങ്ങില്‍ ക്രമക്കേട്ആരോപിക്കുന്നവര്‍ അത് തെളിയിച്ചില്ലെങ്കില്‍ കേസെടുക്കുമെന്ന് മുഖ്യ തെരഞ്ഞെടുപ്പ് ഓഫീസര്‍ അറിയിച്ച പശ്ചാത്തലത്തിലാണ് പ്രതിപക്ഷ നേതാവിന്‍റെ പ്രതികരണം. പരാതി തെറ്റെന്ന് തെളിഞ്ഞാല്‍ പരാതിക്കാരനെ പൊലീസില്‍ ഏല്‍പിക്കണമെന്നും ടിക്കാറാം മീണ നിര്‍ദേശം നല്‍കി.
