പത്തനംതിട്ട : ചലച്ചിത്ര നടന്‍ ഗിന്നസ് പക്രു സഞ്ചരിച്ച കാറില്‍ ലോറിയിടിച്ചു. തിരുവല്ല ബൈപ്പാസിലാണ് അപകടം. സംഭവത്തില്‍ ആർക്കും പരിക്കില്ല. തിരുവല്ല ബൈപ്പാസിലെ മഴുവങ്ങാടുചിറയ്ക്ക് സമീപത്തെ പാലത്തില്‍ വച്ച് തിങ്കളാഴ്ച ഉച്ചയ്ക്ക് ഒരു മണിയോടെ പാഴ്‌സല്‍ ലോറിയാണ് പക്രുവിന്‍റെ കാറില്‍ ഇടിച്ചത്.
മറ്റൊരു വാഹനത്തെ മറികടന്നെത്തിയ ലോറി എതിര്‍ദിശയില്‍ നിന്നെത്തി കാറിന്‍റെ സൈഡിലിടിക്കുകയായിരുന്നു. ഗിന്നസ് പക്രു തിരുവനന്തപുരത്തുനിന്നും കൊച്ചിയിലേക്ക് പോകുമ്പോഴായിരുന്നു അപകടം. മറ്റൊരു വാഹനത്തിൽ പക്രു കൊച്ചിയിലേക്ക് യാത്ര തുടർന്നു. തിരുവല്ല പൊലീസ് സ്ഥലത്തെത്തി തുടര്‍ നടപടികള്‍ സ്വീകരിച്ചു.
