പാലക്കാട് : സിപിഎം ജില്ല സെക്രട്ടറിയേറ്റ് യോഗത്തിൽ പി കെ ശശിക്കെതിരെ രൂക്ഷ വിമർശനം. പാർട്ടി അന്വേഷണ കമ്മിഷന്‍ അംഗങ്ങളായ ആനാവൂർ നാഗപ്പനും കെ കെ ജയചന്ദ്രനുമാണ് വിമർശനം ഉന്നയിച്ചത്. ജില്ലയിൽ വിഭാഗീയത വളർത്തുന്നതിൽ പി കെ ശശിക്ക് മുഖ്യ പങ്കെന്നാണ് ആരോപണം.
ജില്ല നേതൃത്വം മോശമെന്ന് വരുത്തി തീർക്കാൻ ശശി ശ്രമിക്കുന്നു. കെടിഡിസി ചെയർമാനായിട്ടും കാര്യക്ഷമമായി പ്രവർത്തിക്കുന്നില്ല. കെടിഡിസി ഓഫിസ് വിഭാഗീയ പ്രവർത്തനങ്ങളുടെ കേന്ദ്രമാക്കുന്നു, എന്നിങ്ങനെയായിരുന്നു കുറ്റപ്പെടുത്തല്‍.
ജില്ലയിലെ വിഭാഗീയതയെ കുറിച്ച് അന്വേഷിക്കാൻ നിയോഗിച്ച കമ്മിഷന്‍ അംഗങ്ങളാണ് ഇരുവരും. യോഗത്തിൽ മണ്ണാർക്കാട്, മുണ്ടൂർ മേഖലകളിൽ നിന്നുള്ള അംഗങ്ങളും ശശിക്കെതിരെ ആഞ്ഞടിച്ചു.
