പാലക്കാട്‌ : മത്സരയോട്ടത്തിന് കുതിരയ്‌ക്ക് വേഗം കൂട്ടാന്‍ ഇലക്ട്രിക്‌ ഷോക്കും കാളയെ മെരുക്കാന്‍ അടിയും ഇടിയും. ഞായറാഴ്‌ച മണ്ണുത്തി- വാളയാര്‍ ദേശീയ പാതയില്‍ ഗതാഗതം തടസപ്പെടുത്തിയായിരുന്നു മിണ്ടാപ്രാണികളോടുള്ള ഈ ക്രൂരത.
പുതുവത്സര ദിനത്തില്‍ തമിഴ്‌നാട്ടില്‍ നടക്കുന്ന മത്സരത്തില്‍ പങ്കെടുപ്പിക്കുന്നതിന് വേണ്ടിയുള്ള തയ്യാറെടുപ്പുകളുടെ ഭാഗമായിട്ടായിരുന്നു പരിശീലനം. തിരക്കുള്ള പാതയായിരുന്നതിനാല്‍ ചരക്ക് ലോറി ഉള്‍പ്പെടെ നിരവധി വാഹനങ്ങള്‍ കുരുക്കില്‍പെട്ടു.
Also Read: തൃശൂരില്‍ സഞ്ചിയില്‍ പൊതിഞ്ഞ് നവജാതശിശുവിന്‍റെ മൃതദേഹം തോട്ടില്‍ കണ്ടെത്തി
പരിശീലന ഓട്ടത്തിനിടെ ഒരു കാളവണ്ടി അപകടത്തില്‍ പെട്ടു. ഇരുവശത്തും നിരവധി ബൈക്കുകളുടെ അകമ്പടിയോടെയായിരുന്നു പരിശീലന പരിപാടി അരങ്ങേറിയത്. സംഭവത്തില്‍ പൊലീസ് ഇതുവരെയും കേസെടുക്കുകയോ അന്വേഷണം നടത്തുകയോ ചെയ്തിട്ടില്ല.
