മലപ്പുറം: ദേശീയ പാതക്ക് സമീപം യുവാവിനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. കൊണ്ടോട്ടി-മലപ്പുറം ദേശീയ പാതയിലാണ് ഇന്നലെ മുതൽ കാണാതായ യുവാവിനെ മരിച്ച നിലയിൽ കണ്ടെത്തിയത്.
വള്ളുവമ്പ്രം സ്വദേശി കോടാലി കൂനിങ്ങൽ ആശിഖിനെയാണ് വള്ളുവമ്പ്രം അങ്ങാടിയിൽ മലപ്പുറം റോഡിൽ ദേശീയപാതയ്ക്ക് സമീപത്തെ കെട്ടിടത്തിനടുത്ത് മരിച്ച നിലയിൽ കണ്ടെത്തിയത്. ഇന്നലെ മുതൽ കാണാതായ ഇയാളെ അന്വേഷിച്ച് വരുന്നതിനിടെ നാട്ടുകാരാണ് മരിച്ചനിലയിൽ കണ്ടെത്തിയത്. തുടർന്ന് പൊലീസിൽ വിവരം അറിയിക്കുകയും പൊലീസ് സ്ഥലത്തെത്തി തുടർനടപടികൾ സ്വീകരിക്കുകയുമായിരുന്നു. ഫോറൻസിക് വിഭാഗവും സ്ഥലത്തെത്തിയിട്ടുണ്ട്. സംഭവത്തിൽ പൊലീസ് അന്വേഷണം ആരംഭിച്ചു.
