ലോക്സഭാ തെരഞ്ഞെടുപ്പിൽ അഞ്ച് മണ്ഡലങ്ങളിൽ പിഡിപി സ്ഥാനാർഥികളെ പ്രഖ്യാപിച്ചു.പൊന്നാനി, മലപ്പുറം, ചാലക്കുടി, ആലപ്പുഴ, ആറ്റിങ്ങൽ, തുടങ്ങി അഞ്ച് മണ്ഡലങ്ങളിലാണ് പിഡിപി സ്ഥാനാർഥികളെ പ്രഖ്യാപിച്ചത്. പൊന്നാനി മണ്ഡലത്തിൽ പിഡിപി വൈസ് ചെയർമാൻ പൂന്തുറ സിറാജ് മത്സരിക്കും. മലപ്പുറത്ത് നിസാർ മേത്തർ, ചാലക്കുടിയിൽ മുജീബ് റഹ്മാൻ, ആലപ്പുഴയിൽ വർക്കല രാജ്, ആറ്റിങ്ങൽ മണ്ഡലത്തിൽ മാഹീൻ തേവരുപാറ എന്നിവരാണ് മത്സര രംഗത്തിറങ്ങുന്നത്.
അബ്ദുൾ നാസർ മഅ്ദനി സ്ഥാനാർത്ഥികളെ പ്രഖ്യാപിച്ചു.
മലപ്പുറം ടൗൺഹാളിൽ നടന്ന കൺവൻഷനിൽ പിഡിപി ചെയർമാൻ അബ്ദുൾ നാസർ മദനിയാണ് സ്ഥാനാർഥികളെ പ്രഖ്യാപിച്ചത്. ബാംഗ്ലൂരിൽ നിന്ന് വീഡിയോ കോൺഫറൻസ് വഴിയായിരുന്നു സ്ഥാനാർഥി പ്രഖ്യാപനം. ഫാസിസത്തിനെതിരായ നിലപാടുകളെ അടിസ്ഥാനമാക്കി മറ്റ് മണ്ഡലങ്ങളിൽ തീരുമാനമുണ്ടാകുമെന്നും അബ്ദുൾ നാസർ മദനി പറഞ്ഞു.
.
