മലപ്പുറം: പ്രതിഷേധങ്ങള്‍ക്കിടെ പോത്തുകല്ലില്‍ പ്രളയദുരന്തബാധിതര്‍ക്കായുള്ള യോഗം കൂടി. കഴിഞ്ഞ രണ്ട് യോഗങ്ങളിലും ജില്ലാ കലക്ടര്‍ ജാഫര്‍ മാലിക്ക് എത്തുമെന്ന് അറിയിച്ചിരുന്നുവെങ്കിലും എത്തിയിരുന്നില്ല. കൂടാതെ പ്രളയം കഴിഞ്ഞ് ആറ് മാസം പിന്നിട്ടിട്ടും പുനരധിവാസ പ്രവര്‍ത്തനങ്ങള്‍ ജില്ലാ ഭരണകൂടം കാര്യക്ഷമമായി നടപ്പിലാക്കിയില്ലെന്ന് ആക്ഷേപവും ഉണ്ടായിരുന്നു. കനത്ത പൊലീസ് കാവലിലാണ് യോഗം നടന്നത്. മാധ്യമപ്രവര്‍ത്തകര്‍ക്ക് പോലും പ്രവേശനം നിഷേധിച്ചിരുന്ന യോഗത്തില്‍ ദുരന്തബാധിതരുടെ രേഖകള്‍ പരിശോധിച്ച ശേഷമാണ് യോഗ സ്ഥലത്തേക്ക് പ്രവേശനം അനുവദിച്ചിരുന്നത്.
പ്രതിഷേധങ്ങള്‍ക്കിടെ മലപ്പുറത്ത് പ്രളയബാധിതരുടെ യോഗം
