കോഴിക്കോട്: കോഴിക്കോട് ജില്ലയിലെ മലയോര മേഖലയിൽ കാട്ടുപന്നി ശല്യം അതിരൂക്ഷം. കൃഷിയിടങ്ങളിലിറങ്ങി കൃഷി നശിപ്പിക്കുന്നതിന് പുറമെ മനുഷ്യ ജീവനും ഭീഷണിയാണിപ്പോൾ. വ്യാഴാഴ്‌ച (06.10.2022) രാത്രി കാട്ടുപന്നി ബൈക്കിന്‌ കുറുകെ ചാടി യുവാവിന് പരിക്കേറ്റു.
കോഴിക്കോട് കാട്ടുപന്നിയുടെ ആക്രമണത്തിൽ യുവാവിന് പരിക്ക്
തോട്ടുമുക്കം മൈസൂർപറ്റ സ്വദേശി നമ്പൂരയിൽ സന്തോഷിനാണ് പരിക്കേറ്റത്. രാത്രി 8 മണിയോടെ തേക്കുംകുറ്റി മരഞ്ചാട്ടി റോഡിൽ വച്ചായിരുന്നു സംഭവം. തലക്കും തോളിനും പരിക്കേറ്റ സന്തോഷിനെ ആശുപത്രിയിൽ പ്രവേശിപ്പിച്ചു. സന്തോഷിന്‍റെ ചെവിയുടെ ഒരു ഭാഗം മുറിഞ്ഞു പോയ അവസ്ഥയിലാണ്.
