കോഴിക്കോട് :ലഹരി മരുന്നുമായി യുവാവ് പിടിയിൽ. പുല്ലാളൂർ ഉഷ നിവാസിൽ പി.വി. രജിലേഷിനെയാണ് ടൗൺ പൊലീസ് അറസ്റ്റ് ചെയ്തത്. ആറ് ഗ്രാം എം.ഡി.എം.എ മയക്ക് മരുന്നും 35 ഗ്രാം കഞ്ചാവും ഇയാളില്‍ നിന്ന് പൊലീസ് പിടിച്ചെടുത്തു.പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് പരിശോധന നടത്തിയത്.
കോഴിക്കോട് റെയിൽവേ സ്റ്റേഷൻ പരിസരത്തെ ലോഡ്ജിൽ നിന്നും എസ്.ഐ കെ.ടി ബിജിത്തിന്റെ നേതൃത്വത്തിലുള്ള പൊലീസ് സംഘമാണ് ഇയാളെ പിടി കൂടിയത്. നഗരത്തിലെ വിവിധയിടങ്ങളിൽ വിൽപ്പന നടത്താനായി എത്തിച്ച മയക്കുമരുന്നും കഞ്ചാവുമാണ് ഇയാളുടെ കൈവശമുണ്ടായിരുന്നത് എന്ന് പൊലീസ് അറിയിച്ചു.
