കോഴിക്കോട് : രാഹുല്‍ ഗാന്ധിയുടെ ഓഫിസ് ആക്രമണവുമായി ബന്ധപ്പെട്ട കേസിൽ 5 എസ്എഫ്ഐ പ്രവര്‍ത്തകര്‍ കൂടി കസ്റ്റഡിയില്‍. ഇതോടെ പിടിയിലായവരുടെ എണ്ണം 29 ആയി. ഇതിനുപുറമേ നേരത്തേ പിടിയിലായവരിൽ അഞ്ചുപേരുടെ അറസ്റ്റ് കൂടി പൊലീസ് രേഖപ്പെടുത്തി.
ഇതില്‍ മൂന്ന് വനിത പ്രവര്‍ത്തകരും ഉള്‍പ്പെടുന്നു. നേരത്തെ കസ്റ്റഡിയിലെടുത്തവരെ റിമാന്‍ഡ് ചെയ്‌തിരുന്നു. സംഭവത്തില്‍ മന്ത്രി വീണ ജോര്‍ജിന്‍റെ സ്റ്റാഫ് അംഗം അവിഷിത്തിന്‍റെ പങ്കും അന്വേഷിക്കുകയാണെന്ന് പൊലീസ് അറിയിച്ചു.
നേരത്തേ ജില്ല പ്രസിഡന്‍റ് ജോയൽ ജോസഫ്, സെക്രട്ടറി ജിഷ്‌ണു ഷാജി എന്നിവരടക്കമുള്ളവരെയാണ് 14 ദിവസത്തേക്ക് റിമാന്‍ഡ് ചെയ്‌തത്. ഇതിനുപിന്നാലെയാണ് അവിഷിത്ത് ഉൾപ്പെടെ ആറ് പേരെ കൂടി കസ്റ്റഡിയിലെടുത്തത്.
