പ്രാദേശിക പത്ര പ്രവർത്തകർക്ക് ക്ഷേമനിധി; സർക്കാരിൻ്റെ ശ്രദ്ധയിൽ കൊണ്ടുവരുമെന്ന് തിരുവഞ്ചൂർ

കെ.ജെ.യു കോട്ടയം ജില്ലാ കമ്മിറ്റിയുടെ നേതൃത്വത്തിൽ നൽകിയ ആദരവ് സ്വീകരിക്കുകയായിരുന്നു അദ്ദേഹം.

കോട്ടയം: പ്രാദേശിക പത്രപ്രവർത്തകരെ ക്ഷേമനിധിയിൽ ഉൾപ്പെടുത്തണമെന്ന കെ.ജെ.യുവിൻ്റെ ആവശ്യം സർക്കാരിൻ്റെ ശ്രദ്ധയിൽ കൊണ്ടുവരുമെന്ന് മുൻ ആഭ്യന്തര മന്ത്രി തിരുവഞ്ചൂർ രാധാകൃഷ്ണൻ. കെ.ജെ.യു കോട്ടയം ജില്ലാ കമ്മിറ്റിയുടെ നേതൃത്വത്തിൽ നൽകിയ ആദരവ് സ്വീകരിക്കുകയായിരുന്നു അദ്ദേഹം.

ബജറ്റിൽ പത്രപ്രവർത്തകർക്കായി തുക വകയിരുത്തിയെങ്കിലും തുടർ നടപടികൾ മുന്നോട്ട് പോയില്ല. ഇതിന് ഒരു പരിഹാരം കാണേണ്ടത് അത്യാവശ്യമാണെന്നും കെ.ജെ.യു നൽകിയ നിവേദനം സാസ്കാരിക വകുപ്പ് മന്ത്രി സജി ചെറിയാന് കൈമാറുമെന്നും അദ്ദേഹം അറിയിച്ചു.

തിരുവഞ്ചൂർ രാധാകൃഷ്ണന്‍റെ വസതിയിലെത്തി സംസ്ഥാന കമ്മറ്റി അംഗം പി.ബി തമ്പി ഷാൾ അണിയിച്ച് അദേഹത്തെ ആദരിച്ചു. ജില്ലാ പ്രസിഡന്‍റ് കെ.ജി ഹരിദാസ് മെമൻ്റോ നൽകി. ജില്ലാ ജോയിൻ സെക്രട്ടറിമാരായ സുഭാഷ് ലാൽ, ജോസ് ചമ്പക്കര, എക്സിക്യൂട്ടീവ് അംഗം ജിതേഷ് വിശ്വനാഥ് എന്നിവർ സന്നിഹിതരായിരുന്നു.