കോട്ടയം: കേരളാ കോൺഗ്രസ് പാർട്ടി സംസ്ഥാന നേതൃത്വത്തിൽ വൻ അഴിച്ചുപണികൾക്ക് തയ്യാറെടുക്കുകയാണ് ഒരു വിഭാഗം നേതാക്കളും പ്രവർത്തകരും. കേരളാ കോൺഗ്രസിൽ താൽക്കാലിക ചെയർമാൻ സ്ഥാനം പി ജെ ജോസഫിനെന്ന് സംസ്ഥാന നേതൃത്വം വ്യക്തമാക്കിയതിന് പിന്നാലെയാണ് നടപടി. ജോസ് കെ മാണിയെ ചെയർമാൻ സ്ഥാനത്ത് എത്തിക്കുന്നതിന് പ്രതികൂല ഘടകങ്ങളെ മയപ്പെടുത്തുക എന്നതും നേതൃമാറ്റത്തിലൂടെ നേതാക്കൾ ലക്ഷ്യമിടുന്നു എന്നാണ് സൂചന.
ചെയർമാൻ, വർക്കിംഗ് ചെയർമാൻ, വൈസ് ചെയർമാൻ, ഡെപ്യൂട്ടി ചെയർമാൻ, ട്രഷറർ നേതൃപദവികളിലേക്ക് സംസ്ഥാന കമ്മറ്റിയിൽ മാറ്റം വരുത്തുകയാണ് നേതാക്കളുടെ ലക്ഷ്യം. ജോസ് കെ മാണി ചെയർമാൻ സ്ഥാനത്തെത്തിയാൽ നിലവിലെ വർക്കിംഗ് ചെയർമാൻ പി ജെ ജോസഫിന് പാർലമെന്‍ററി പാർട്ടി ലീഡർ സ്ഥാനമാണ് മാണി വിഭാഗം വാഗ്ദാനം ചെയ്യുന്നത്. മാണി വിഭാഗത്തിന്റെ സമവായ ശ്രമം വിജയിച്ചാൽ നേതൃസ്ഥാനത്ത് നിന്നും മുതിർന്ന നേതാവ് സി എഫ് തോമസിനെ വർക്കിങ് ചെയർമാൻ സ്ഥാനത്ത് എത്തിക്കാനാണ് മാണി വിഭാഗത്തിന്റെ നീക്കം. ജോസ് കെ മാണി ചെയർമാനാകുന്നതോടെ വൈസ് ചെയർമാൻ സ്ഥാനത്തേക്ക് പരിഗണിക്കുന്നവരിൽ റോഷി അഗസ്റ്റിനാണ് മുൻഗണന. ഡെപ്യൂട്ടി ചെയർമാൻ സ്ഥാനത്തേക്ക് പാർട്ടി ജനറൽ സെക്രട്ടറി ജോയി എബ്രഹാം പരിഗണനയിൽ ഉണ്ട്. കേരള കോണ്‍ഗ്രസിന്‍റെ നേതൃപഥത്തിലെ പൂർണാധിപത്യമാണ് മാണി വിഭാഗം ലക്ഷ്യമിടുന്നത്. ഇതിന്‍റെ വ്യക്തമായ സൂചനകളാണ് പാർട്ടിയിലെ എട്ട് ജില്ലാ പ്രസിഡന്‍റുമാരുടെ നിലപാടിൽ നിന്നും വ്യക്തമാകുന്നത്. എന്നാൽ മാണി വിഭാഗത്തിന്റെ ഇത്തരം നീക്കങ്ങളെ പി ജെ ജോസഫ് ഏതുവിധം കൈകാര്യം ചെയ്യുമെന്നതും പ്രതികൂല സമീപനമുണ്ടായാൽ ഏതു രീതിയിൽ മറികടക്കുമെന്നതും കാത്തിരിന്ന് കാണണം.
കേരളാ കോൺഗ്രസ് പാർട്ടി സംസ്ഥാന നേതൃത്വത്തിൽ വൻ അഴിച്ചുപണിക്ക് നീക്കം
താൽക്കാലിക ചെയർമാൻ സ്ഥാനം വർക്കിംഗ് ചെയർമാൻ പി.ജെ ജോസഫിനെന്ന് സംസ്ഥാന നേതൃത്വം വ്യക്തമാക്കിയതിന് പിന്നാലെയാണ് നടപടി
കോട്ടയം: കേരളാ കോൺഗ്രസ് പാർട്ടി സംസ്ഥാന നേതൃത്വത്തിൽ വൻ അഴിച്ചുപണികൾക്ക് തയ്യാറെടുക്കുകയാണ് ഒരു വിഭാഗം നേതാക്കളും പ്രവർത്തകരും. കേരളാ കോൺഗ്രസിൽ താൽക്കാലിക ചെയർമാൻ സ്ഥാനം പി ജെ ജോസഫിനെന്ന് സംസ്ഥാന നേതൃത്വം വ്യക്തമാക്കിയതിന് പിന്നാലെയാണ് നടപടി. ജോസ് കെ മാണിയെ ചെയർമാൻ സ്ഥാനത്ത് എത്തിക്കുന്നതിന് പ്രതികൂല ഘടകങ്ങളെ മയപ്പെടുത്തുക എന്നതും നേതൃമാറ്റത്തിലൂടെ നേതാക്കൾ ലക്ഷ്യമിടുന്നു എന്നാണ് സൂചന.
ചെയർമാൻ, വർക്കിംഗ് ചെയർമാൻ, വൈസ് ചെയർമാൻ, ഡെപ്യൂട്ടി ചെയർമാൻ, ട്രഷറർ നേതൃപദവികളിലേക്ക് സംസ്ഥാന കമ്മറ്റിയിൽ മാറ്റം വരുത്തുകയാണ് നേതാക്കളുടെ ലക്ഷ്യം. ജോസ് കെ മാണി ചെയർമാൻ സ്ഥാനത്തെത്തിയാൽ നിലവിലെ വർക്കിംഗ് ചെയർമാൻ പി ജെ ജോസഫിന് പാർലമെന്‍ററി പാർട്ടി ലീഡർ സ്ഥാനമാണ് മാണി വിഭാഗം വാഗ്ദാനം ചെയ്യുന്നത്. മാണി വിഭാഗത്തിന്റെ സമവായ ശ്രമം വിജയിച്ചാൽ നേതൃസ്ഥാനത്ത് നിന്നും മുതിർന്ന നേതാവ് സി എഫ് തോമസിനെ വർക്കിങ് ചെയർമാൻ സ്ഥാനത്ത് എത്തിക്കാനാണ് മാണി വിഭാഗത്തിന്റെ നീക്കം. ജോസ് കെ മാണി ചെയർമാനാകുന്നതോടെ വൈസ് ചെയർമാൻ സ്ഥാനത്തേക്ക് പരിഗണിക്കുന്നവരിൽ റോഷി അഗസ്റ്റിനാണ് മുൻഗണന. ഡെപ്യൂട്ടി ചെയർമാൻ സ്ഥാനത്തേക്ക് പാർട്ടി ജനറൽ സെക്രട്ടറി ജോയി എബ്രഹാം പരിഗണനയിൽ ഉണ്ട്. കേരള കോണ്‍ഗ്രസിന്‍റെ നേതൃപഥത്തിലെ പൂർണാധിപത്യമാണ് മാണി വിഭാഗം ലക്ഷ്യമിടുന്നത്. ഇതിന്‍റെ വ്യക്തമായ സൂചനകളാണ് പാർട്ടിയിലെ എട്ട് ജില്ലാ പ്രസിഡന്‍റുമാരുടെ നിലപാടിൽ നിന്നും വ്യക്തമാകുന്നത്. എന്നാൽ മാണി വിഭാഗത്തിന്റെ ഇത്തരം നീക്കങ്ങളെ പി ജെ ജോസഫ് ഏതുവിധം കൈകാര്യം ചെയ്യുമെന്നതും പ്രതികൂല സമീപനമുണ്ടായാൽ ഏതു രീതിയിൽ മറികടക്കുമെന്നതും കാത്തിരിന്ന് കാണണം.
