കോട്ടയം: പ്ലാസ്റ്റിക്കിനെതിരെയുള്ള ക്യാമ്പയിന്‍റെ ഭാഗമായി കോട്ടയം പ്രസ് ക്ലബിന്റെ പരിസ്ഥിതി വിഭാഗമായ ഗ്രീന്‍ ലൈഫ് സംഘടിപ്പിച്ച തുണി സഞ്ചികളുടെ പ്രദര്‍ശനം ശ്രദ്ധേയമാകുന്നു. വിവിധ ഡിസൈനുകളിലുള്ള തുണി സഞ്ചികളുടെ വിപുലമായ ശേഖരമാണ് ഗ്രീൻ ലൈഫിന്റെ നേതൃത്വത്തിൽ പ്രദർശനത്തിന് എത്തിച്ചിരിക്കുന്നത്. മേശ വിരിപ്പ് മുതൽ തോൾ സഞ്ചി വരെ പ്രദര്‍ശനത്തില്‍ ഇടം നേടിയിട്ടുണ്ട്.
ചേളാവ് ബാഗ് മുതല്‍ തോൾ സഞ്ചി വരെ; ശ്രദ്ധേയമായി തുണി സഞ്ചി പ്രദര്‍ശനം
രൂപം മാറ്റി ഉപയോഗിക്കാവുന്ന ചേളാവ് ബാഗാണ് പ്രദർശനത്തിലെ പ്രധാന ആകർഷണം. മണി പേഴ്സിന്റെ രൂപത്തിലുള്ള തുണി സഞ്ചിക്കും ആവശ്യകാരേറെയാണ്. തുണി സഞ്ചിക്കൊപ്പം കടലാസ് ബാഗുകളും പ്രദര്‍ശനത്തിലുൾപ്പെടുന്നു. പ്രദർശനം ഇന്ന് അവസാനിക്കും.
