കോട്ടയം: അക്ഷര ദേവതയുടെ തിരു നടയിൽ ആദ്യാക്ഷരം കുറിച്ച് കുരുന്നുകൾ. കോട്ടയം പനച്ചിക്കാട് ദക്ഷിണ മൂകാംബികയിൽ വിദ്യാരംഭ ചടങ്ങുകൾ പുലര്‍ച്ചെ ആരംഭിച്ചു. രണ്ടു മണിയോടെ പ്രത്യേക പൂജകൾ ആരംഭിക്കുകയും പൂജയെടുപ്പിന് ശേഷം നാലുമണിക്ക് വിദ്യാരംഭത്തിന് തുടക്കം കുറിക്കുകയും ചെയ്‌തു.
വിദ്യാമണ്ഡപത്തിൽ ആചാര്യൻമാർ കുട്ടികളെ എഴുത്തിനിരുത്തി. വെളുപ്പിനെ മുതൽ വിദ്യാരംഭത്തിനും ദർശനത്തിനും വൻ തിരക്കാണ് അനുഭവപ്പെട്ടത്. വിഷ്‌ണു ക്ഷേത്രത്തിലും സരസ്വതി നടയിലും തിരക്ക് നിയന്ത്രിക്കാൻ ക്രമീകരണങ്ങൾ ഏർപ്പെടുത്തിയിരുന്നു.
കോട്ടയം പനച്ചിക്കാട് ദക്ഷിണ മൂകാംബിയില്‍ വിദ്യാരംഭം കുറിച്ച് കുരുന്നുകള്‍
രണ്ട് വർഷത്തെ കൊവിഡ് നിയന്ത്രണങ്ങൾക്ക് അയവ് വന്നതോടെ വൻ ഭക്ത ജനങ്ങളാണ് ക്ഷേത്രത്തിലേയ്‌ക്കെത്തിയത്. കൂടാതെ, കലാമണ്ഡപത്തിൽ കലാകാരൻമാരുടെ സംഗീതോപാസനയും നടന്നു.
