കോട്ടയം: അധികാരക്കൊതി മൂത്താണ് തനിക്കെതിരെ അവിശ്വാസ പ്രമേയം കൊണ്ടുവന്നിരിക്കുന്നതെന്ന് ഈരാറ്റുപേട്ട നഗരസഭാ വൈസ് ചെയര്‍പേഴ്‌സണ്‍ ബല്‍ക്കീസ് നവാസ്. താൻ എന്ത് അഴിമതിയാണ് നടത്തിയതെന്ന് യുഡിഎഫ് നേതൃത്വം വ്യക്തമാക്കണമെന്ന് ബല്‍ക്കീസ് നവാസ് ആവശ്യപ്പെട്ടു.
അവിശ്വാസ നോട്ടീസിനെതിരെ ഈരാറ്റുപേട്ട വൈസ് ചെയര്‍പേഴ്‌സണ്‍ ബല്‍ക്കീസ് നവാസ്
ഈരാറ്റുപേട്ട നഗരസഭാ ചെയർമാനായ വി.എം സിറാജിന് വോട്ട് ചെയ്തിട്ടില്ലെന്നാണ് യുഡിഎഫിന്റെ ആരോപണം. വി.എം സിറാജിന് ഒരു തവണ വോട്ട് ചെയ്തതാണ്. നേതൃത്വം പറഞ്ഞതനുസരിച്ചാണ് മുന്നോട്ട് പോയിരുന്നത്. ലീഗ് നേതൃത്വവും യുഡിഎഫ് കൗണ്‍സിലര്‍മാരും ആവശ്യപ്പെട്ടതുകൊണ്ടാണ് താന്‍ മുൻ തെരഞ്ഞെടുപ്പിൽ നിന്ന് മാറിനിന്നതെന്നും ബല്‍ക്കീസ് നവാസ് പറഞ്ഞു.
