കൊല്ലം: വിജയ ദശമി ദിനത്തിൽ വിദ്യാരംഭം നടത്തി പുനലൂർ താലൂക്ക് ആശുപത്രി. കോക്കാട്, പള്ളിക്കിഴക്കേതിൽ മനോജ്-അമ്പിളി ദമ്പതികളുടെ മകൻ ആയുഷിനാണ് ആശുപത്രിയിൽ വിദ്യാരംഭം നടത്തിയത്. ജനനം പോലെ പ്രാധാന്യമേറിയ വിദ്യാരംഭവും പ്രസവം നടന്ന ആശുപത്രിയിൽ നിന്നും ആരംഭിക്കണമെന്ന ആഗ്രഹമാണ് കുടുംബത്തെ ഈ രീതിയിൽ ചിന്തിക്കാൻ പ്രേരിപ്പിച്ചത്. മാധ്യമ പ്രവർത്തകൻ കൂടിയായ മനോജ് താല്‍പര്യം ആശുപത്രി സൂപ്രണ്ട് ഡോ. ഷാഹിർഷായെ അറിയിച്ചതോടെ ആശുപത്രി ജീവനക്കാർ വേണ്ട സജ്ജീകരണമൊരുക്കി.വിദ്യാരംഭം വരും വര്‍ഷങ്ങളിലും ആശുപത്രിയിൽ നടത്താൻ കഴിയുമെന്ന് സുപ്രണ്ട് പറഞ്ഞു.
വിദ്യാരംഭം നടത്തി താലൂക്ക് ആശുപത്രി
