കൊല്ലം: സമരങ്ങളും പ്രതിഷേധങ്ങളും അവഗണിച്ച് കൊല്ലം കുരീപ്പുഴയില്‍ ടോള്‍ പിരിവ് വീണ്ടും തുടങ്ങി. ചർച്ചയിലെ തീരുമാനമനുസരിച്ചാണ് വ്യാഴാഴ്ച രാവിലെ എട്ടുമണിയോടെ ബൈപ്പാസില്‍ ടോള്‍ പിരിവ് തുടങ്ങാന്‍ കരാറുകാർ എത്തിയത്.
പൂജ നടത്തി ടോള്‍ നടപടികള്‍ തുടങ്ങാനൊരുങ്ങവേ ഡിവൈഎഫ്ഐ, എഐവൈഎഫ് പ്രവര്‍ത്തകർ പ്രതിഷേധിക്കുകയും പൂജാപാത്രം വലിച്ചെറിയുകയും പൂജാ വസ്തുക്കള്‍ തകര്‍ക്കുകയും ചെയ്‌തു. ബൂത്തുകളില്‍ കടന്നുകയറി പ്രവര്‍ത്തനവും സ്തംഭിപ്പിച്ചു. തുടര്‍ന്ന് യുവജന സംഘടനാ പ്രവര്‍ത്തകരെ തടയാന്‍ ശ്രമിക്കവെ പൊലീസും പ്രവര്‍ത്തകരും തമ്മില്‍ ഉന്തും തള്ളുമുണ്ടായി. പിന്നീട് പ്രവർത്തകരെ പൊലീസ് അറസ്റ്റ് ചെയ്‌ത് നീക്കിയ ശേഷമാണ് ടോൾ പിരിവ് പുനരാരംഭിച്ചത്.
കൊല്ലം ബൈപ്പാസില്‍ ടോള്‍ പിരിവ് ആരംഭിച്ചു, പ്രതിഷേധിച്ച് യുവജന സംഘടനകള്‍
