കൊല്ലം : കൊട്ടാരക്കര പള്ളിക്കലിൽ രണ്ടര വയസുകാരി പാമ്പ് കടിയേറ്റ് മരിച്ചു. രതീഷ് ആർച്ച ദമ്പതികളുടെ മകൾ നീലാംബരിയാണ് മരിച്ചത്. തിങ്കളാഴ്‌ച രാത്രിയിലായിരുന്നു സംഭവം. മുത്തച്ഛനൊപ്പം വീട്ടുമുറ്റത്ത് കളിച്ചുകൊണ്ടിരുന്ന കുട്ടിയെ പാമ്പ് കടിക്കുകയായിരുന്നു.
also read: പാമ്പ് കടിയേറ്റ് പത്ത് വയസുകാരി മരിച്ചു
ഉടൻ തന്നെ കൊട്ടാരക്കര താലൂക്കാശുപത്രിയിൽ എത്തിച്ച് ആന്‍റിവെനം നൽകിയെങ്കിലും തിരുവനന്തപുരം എസ്‌എടി ആശുപത്രിയിലേക്ക് കൊണ്ടുപോകാൻ ഡോക്ടർ നിർദേശിച്ചു. എന്നാല്‍ വഴിമധ്യേ കുട്ടി മരിച്ചു. സംഭവത്തില്‍ കൊട്ടാരക്കര പൊലീസ് കേസെടുത്തു.
