കാസർകോട് കവ്വായി കായലിൽ ഹൗസ് ബോട്ട് മുങ്ങി, ആളപായമില്ല

'ബേക്കൽ മെർമെയ്‌ഡ്‌' എന്ന ഹൗസ് ബോട്ടാണ് ചെറുവത്തൂർ കവ്വായി കായലിൽ മുങ്ങിയത്. കായലിലെ ബോട്ട് ജെട്ടിയിൽ ഇടിച്ചാണ് അപകടമുണ്ടായത്.

കാസർകോട്: ചെറുവത്തൂർ കവ്വായി കായലിൽ ഹൗസ് ബോട്ട് മുങ്ങി. 'ബേക്കൽ മെർമെയ്‌ഡ്‌' എന്ന ഹൗസ് ബോട്ടാണ് അപകടത്തിൽപ്പെട്ടത്. അതിഥികളെ സ്വീകരിക്കാൻ കോട്ടപ്പുറത്ത് പോകുന്നതിനിടെ കായലിലെ ബോട്ട് ജെട്ടിയിൽ ഇടിച്ചാണ് അപകടമുണ്ടായത്.

അപകടസമയം രണ്ട് തൊഴിലാളികൾ മാത്രമാണ് ബോട്ടിൽ ഉണ്ടായിരുന്നത്. തൊഴിലാളികൾ നീന്തി രക്ഷപ്പെട്ടു. മത്സ്യത്തൊഴിലാളികളുടെയും തീരദേശ പൊലീസിന്‍റെയും നേതൃത്വത്തിലാണ് രക്ഷാപ്രവർത്തനം നടത്തിയത്.