കാസര്‍കോട്: നാല് ദിനരാത്രങ്ങൾ നീണ്ടു നിന്ന ഏഷ്യയിലെ ഏറ്റവും വലിയ കൗമാര കലാമേളക്ക് തുളുനാട്ടിൽ തിരശീല വീണു. ആവേശപ്പോരിൽ ഫോട്ടോ ഫിനിഷിൽ പാലക്കാട് ജില്ല കലാ കിരീടം സ്വന്തമാക്കി. രണ്ട് പോയിന്‍റ് വ്യത്യാസത്തിലാണ് പാലക്കാട് ജില്ല സ്വർണക്കപ്പിൽ മുത്തമിട്ടത്. ഉച്ചയോടെ തന്നെ മത്സരങ്ങൾ പൂർത്തീകരിച്ചെങ്കിലും സമാപന പരിപാടികൾക്കായി നാടൊന്നാകെ തടിച്ചുകൂടിയിരുന്നു. ജനങ്ങൾ കലോത്സവം ഏറ്റെടുത്തതിന്റെ നേർസാക്ഷ്യമായിരുന്നു കനത്ത മഴയിലും കലോത്സവ നഗരിയിലെ ജനസഞ്ചയം. അടുത്ത സംസ്ഥാന കലോത്സവം കൊല്ലത്ത് നടക്കും.
കലാകേരളം കാസർകോടിനോട് വിട പറഞ്ഞു
