കണ്ണൂർ: ജില്ലയില്‍ 22 പേര്‍ക്ക് കൂടി കൊവിഡ് 19 സ്ഥിരീകരിച്ചു. ഇതില്‍ മൂന്നു പേര്‍ വിദേശത്ത് നിന്നും 17 പേര്‍ മറ്റ് സംസ്ഥാനങ്ങളില്‍ നിന്നെത്തിയവരാണ്. ഒഡീഷ സ്വദേശിയായ സിഐഎസ്എഫ് ഉദ്യോഗസ്ഥനും ജമ്മുകശ്മീര്‍ സ്വദേശിയായ ഡിഎസ്‌സി ജീവനക്കാരനും ഇന്ന് രോഗം സ്ഥിരീകരിച്ചവരില്‍ ഉള്‍പ്പെടുന്നു. കണ്ണൂര്‍ വിമാനത്താവളം വഴി കുവൈറ്റില്‍ നിന്നെത്തിയ കുന്നോത്തുപറമ്പ് സ്വദേശിയായ 37 വയസുകാരന്‍, 24ന് കണ്ണൂര്‍ വിമാനത്തിലെത്തിയ രാമന്തളി സ്വദേശിയായ 53 വയസുകാരി, കരിപ്പൂര്‍ വിമാനത്താവളം വഴി ജൂലായ് നാലിന് സൗദി അറേബ്യയില്‍ നിന്നെത്തിയ കണ്ണൂര്‍ സ്വദേശിയായ 60 വയസുകാരന്‍ എന്നിവരാണ് വിദേശത്ത് നിന്നെത്തിയവര്‍.
ഡല്‍ഹിയില്‍ നിന്ന് ജൂണ്‍ 28ന് ഗോവ, ബംഗളൂരു വഴി 6ഇ 7974 വിമാനത്തില്‍ കണ്ണൂരിലെത്തിയ പയ്യന്നൂര്‍ സ്വദേശിയായ 26 വയസുകാരന്‍, ഡല്‍ഹി-തിരുവനന്തപുരം സ്‌പെഷ്യല്‍ ട്രെയിനില്‍ ജൂണ്‍ 26ന് കോഴിക്കോട് റെയില്‍വേ സ്‌റ്റേഷന്‍ വഴിയെത്തിയ കരിവെള്ളൂര്‍ സ്വദേശികളായ നാല് വയസുകാരി, 24 വയസുകാരന്‍, 35വയസുകാരന്‍, മംഗള എക്‌സ്‌പ്രസില്‍ കണ്ണൂരിലെത്തിയ പയ്യന്നൂര്‍ സ്വദേശിയായ 27വയസുകാരന്‍, ബെംഗളൂരുവില്‍ നിന്ന് ജൂണ്‍ 25ന് ഇന്‍ഡിഗോ വിമാനത്തില്‍ കണ്ണൂരിലെത്തിയ പെരിങ്ങോം സ്വദേശിയായ 45വയസുകാരന്‍, തളിപ്പറമ്പ് സ്വദേശിയായ 61 വയസുകാരി, ചൊക്ലി സ്വദേശിയായ 18 വയസുകാരന്‍, ജൂലായ് രണ്ടിനെത്തിയ വേങ്ങാട് സ്വദേശിയായ 52 വയസുകാരന്‍, പാനൂര്‍ സ്വദേശിയായ 31 വയസുകാരന്‍, ജൂലായ് മൂന്നിനെത്തിയ പാനൂര്‍ സ്വദേശി 52 വയസുകാരന്‍, ജൂലായ് നാലിനെത്തിയ ചൊക്ലി സ്വദേശിയായ 58 വയസുകാരന്‍, ജൂലായ് അഞ്ചിനെത്തിയ തൃപ്പങ്ങോട്ടൂര്‍ സ്വദേശിയായ 40 വയസുകാരന്‍, ചെന്നൈയില്‍ നിന്ന് ജൂണ്‍ 26ന് എത്തിയ മൊറാഴ സ്വദേശിയായ 50 വയസുകാരി, 28ന് എത്തിയ രാമന്തളി സ്വദേശി 21 വയസുകാരന്‍, ജൂലൈ മൂന്നിന് മുംബൈയില്‍ നിന്നെത്തിയ കടന്നപ്പള്ളി പാണപ്പുഴ സ്വദേശിയായ 30 വയസുകാരി, ജൂലായ് ഒന്നിന് ഹൈദരാബാദില്‍ നിന്ന് ഇന്‍ഡിഗോ വിമാനത്തില്‍ കണ്ണൂരിലെത്തിയ ചെറുപുഴ സ്വദേശിയായ 32വയസുകാരന്‍ എന്നിവര്‍ക്കും പുതുതായി രോഗം സ്ഥിരീകരിച്ചു. ഇതോടെ ജില്ലയിലെ കൊവിഡ് ബാധിതരുടെ എണ്ണം 637 ആയി.
ഇതില്‍ 348 പേര്‍ക്ക് രോഗം ഭേദമായി ആശുപത്രി വിട്ടു. കണ്ണൂര്‍ ഗവ. മെഡിക്കല്‍ കോളജില്‍ ചികിത്സയിലായിരുന്ന ഇരിക്കൂര്‍ സ്വദേശി ഒരു വയസ്സുകാരന്‍, കളമശ്ശേരി ഗവ. മെഡിക്കള്‍ കോളജില്‍ ചികിത്സയിലായിരുന്ന പാനൂര്‍ സ്വദേശി 39 വയസുകാരന്‍ എന്നിവരാണ് ഇന്നലെ രോഗം ഭേദമായി ആശുപത്രി വിട്ടത്. നിലവില്‍ ജില്ലയില്‍ നിരീക്ഷണത്തിലുള്ളത് 24,874 പേരാണ്. ഇവരില്‍ കണ്ണൂര്‍ ഗവ. മെഡിക്കല്‍ കോളജ് ആശുപത്രിയില്‍ 64 പേരും കണ്ണൂര്‍ ജില്ലാ ആശുപത്രിയില്‍ 26 പേരും അഞ്ചരക്കണ്ടി കൊവിഡ് ട്രീറ്റ്‌മെന്‍റ് സെന്‍ററില്‍ 240 പേരും തലശ്ശേരി ജനറല്‍ ആശുപത്രിയില്‍ 42 പേരും കണ്ണൂര്‍ ആര്‍മി ഹോസ്‌പിറ്റലില്‍ 23 പേരും ഫസ്റ്റ് ലൈന്‍ കൊവിഡ് ട്രീറ്റ്‌മെന്‍റ് സെന്‍ററില്‍ രണ്ട് പേരും വീടുകളില്‍ 24,477 പേരുമാണ് നിരീക്ഷണത്തിലുള്ളത്. ജില്ലയില്‍ നിന്ന് ഇതുവരെ 17,267 സാമ്പിളുകളാണ് പരിശോധനയ്ക്ക് അയച്ചതില്‍ 16,771 എണ്ണത്തിന്‍റെ ഫലം വന്നു. ഇതില്‍ 15,730 എണ്ണം നെഗറ്റീവാണ്. 496 എണ്ണത്തിന്‍റെ ഫലം ലഭിക്കാനുണ്ട്.
