കണ്ണൂർ: ഭരണത്തുടര്ച്ച ലക്ഷ്യമിട്ട് 101 ദിന കർമ്മ പദ്ധതിയുമായി കണ്ണൂർ കോർപ്പറേഷൻ. 71 കർമ്മ പദ്ധതികളാണ് കോര്പ്പറേഷൻ തയ്യാറാക്കിയിരിക്കുന്നത്. തകർന്ന റോഡുകൾ ഇന്റര്ലോക്ക് ചെയ്ത് നവീകരിക്കുന്നതാണ് ആദ്യ പദ്ധതി. പയ്യാമ്പലത്ത് വൈദ്യുത ശ്മശാനവും ഉടൻ പൂർത്തിയാക്കുമെന്ന് മേയർ സുമ ബാലകൃഷ്ണന് വാര്ത്താസമ്മേളനത്തില് അറിയിച്ചു.
ജവഹർ സ്റ്റേഡിയത്തില് പുല്ലുവച്ച് പിടിപ്പിക്കാനും പദ്ധതിയുണ്ട്. കര്മ പദ്ധതിയുടെ ഭാഗമായി കോർപറേഷൻ പരിധിയിലെ 1001 കുട്ടികൾക്ക് കരാട്ടെ പരിശീലനം നൽകുമെന്നും മേയര് അറിയിച്ചു. സൈക്കിൾ സവാരി പ്രോത്സാഹിപ്പിക്കാൻ അഞ്ച് സൈക്കിള് വാടക സെന്ററുകള് തുടങ്ങും.ഡെപ്യൂട്ടി മേയർ പി.കെ. രാഗേഷ്, വിവിധ സ്റ്റാൻഡിങ് കമ്മറ്റി മെമ്പർമാര് എന്നിവരും വാര്ത്താസമ്മേളനത്തില് സംബന്ധിച്ചു.